732 Acta Apostolicæ Sedis - Commentarium Officiale

EDMONTONENSIS

Beatificationis et Canonizationis Servi Dei Antonii Kowalczyk Laici professi e

Congregatione Missionariorum Oblatorum Beatae Mariae Virginis Immaculatae

(1866-1947)

DECRETUM SUPER VIRTUTIBUS

«Obsecro itaque vos, fratres, per misericordiam Dei, ut exhibeatis corpora

vestra hostiam viventem, sanctam, Deo placentem, rationabile obsequium

vestrum» ( Rm 12, 1).

Servus Dei Antonius Kowalczyk die 4 mensis Iunii anno 1866 Georgiano-

vii in Polonia sextus e duodocim filiis natus est. Iam inde a pueritia patrem

in arvorum operibus adiuvit et, cum duodevicesimum aetatis annum egit,

mediastinus fabri frequentavi pergulam, cuius fabrilis artis gratia laboris in

Germania inveniendi facultate gavisus est, quo enim, ut Dresdae primum

ac dein Hamburgi tamquam operarii apud officinas ferrarías fungeretur

muñere, demigravit.

Interdum, indole paulatim procusa, sub lare adeo receptae fidentius fidei

adhaesit, ut probitate honestateque ac testimonio vitae, etiam in adiunctis

bona mundi praeter cetera recolentibus ac Deo pervicaciter infensis, sum-

mopere emineret. Coloniae deinde, quo se postremo traiecerat, hospes fuit

coniugum, qui, Christiana doctrina et pietate penitus informati, eum uti

filium reapse receperunt ac vocationem religiosam in eo iam augescentem

omnimodis foverunt. Exinde in finitimam Nederlandiam se contulit ibique

inter Missionarios Oblatos Beatae Mariae Virginis Immaculatae ingressus

est. Anno 1891, noviatiatum igitur incepit ac vota religiosa perpetua deinde

professus est.

Aliquibus post annis petitio eius, ut ad terras missionis destinari pos-

set, accepta est et Servus Dei in navem inscensus ad Canadiam contendit.

Incolatum suum denique adeptus est in vico vulgo Lacla-Biche nuncupato,

qui fere trecentos chilometros ab Edmontonio, ad ripas laci eiusdem nomi-

nis reclinis, distabat: scholam missionarii hic pro pueris aperuerant una et

officinam serratoriam, quam mechanica instrumenta vaporis ope sustentata

provehebant, ut materiam ad aedificia exstruenda necessariam caederent.