Congregatio de Causis Sanctorum 729

ACTA CONGREGATIONUM

CONGREGATIO DE CAUSIS SANCTORUM

MUTINENSIS-NONANTULANA

Beatificationis seu Declarationis Martyrii Servi Dei Rolandi Rivi Alumni Semi-

narii († 13.IV.1945)

DECRETUM SUPER MARTYRIO

« In quo corrigitur adulescentior vitam suam? In custodiendos sermo-

nes tuos. In toto corde meo exquisivi te, ne repellas me a mandatis tuis »

( Ps 119, 9-10).

Servi Dei Rolandi Rivi historia hac in Psalmistae imploratione recte

complectitur, vere ille brevi in cursu suae vitae, laetitia et alacritate vultum

Domini quaesivit, iuvenili fortitudine usque ad effusionem sanguinis fidem

in eum servare voluit. « Ego Iesu sum » istis verbis Rolandus suam in Iesum

Christum deditionem dictitabat, quem iam a prima pueritia sequi voluit,

sacerdotalem institutionem suscipiens.

Servus Dei die 7 mensis Ianuarii anno 1931 in pago v. d. San Valenti-

no di Castellavano apud Regium in Aemilia ex agricolarum familia natus

est. Iam a pueritia, a familiaribus christianis principiis 1 imbutus, firma

institutione praeaitus et parochi sapienti moderatone, magnam indolem ad

spiritualitatem excoluit. Percipiens vocationem ad sacerdotalem vitam, anno

1942 in Episcopale Seminarium Marolae in ditione dioecesis Regiensis in

Aemilia ingressus est. Seminarii alumni vitam ut Christi fidelis discipulus

degit, omnia studens ut bonus sacerdos fieret animas Domino adipiscendo.

Scholarum aestivis feriis, semper congruenter cum vocatione egit cotidianae

Eucharistiae interveniens et parocho pastoralibus in officiis auxilians.

Anno 1944, cum milites Germanici aedem Seminarii occupavissent,

omnes alumni ad suam quamque familiam remissi sunt. Etiam Servus Dei