Acta Apostolicae Sedis - Commentarium Officiale430

Art. 28

Res iudicata habetur:

1º si sententia in secunda instantia prolata fuerit;

2º si appellatio adversus sententiam non fuerit intra mensem proposita;

3º si, in gradu appellationis, instantia perempta sit vel eidem renuntia-

tum fuerit;

4º si lata fuerit sententia ad normam art. 20.

Art. 29

§ 1. Expensae iudiciales solvantur prout sententia statuerit.

§ 2. Si reus expensas solvere non valeat, eaedem solvantur ab Ordinario

vel Hierarcha causae.

Art. 30

§ 1. Huiusmodi causae secreto pontificio subiectae sunt.41

§ 2. Quicumque secretum violaverit, vel ex dolo aut gravi neglegentia,

accusato vel testibus aliud damnum intulerit, ad instantiam partis laesae vel

etiam ex officio, congruis poenis a Turno superiore puniatur.

Art. 31

Hisce in causis, una cum praescriptis harum normarum, quibus omnia

Tribunalia Ecclesiae Latinae et Ecclesiarum Orientalium Catholicarum

tenentur, canones quoque de delictis et poenis necnon de processu poenali

utriusque Codicis applicandi sunt.

41 Secretaria Status, Rescriptum ex Audientia SS.mi Il 4 febbraio, quo Ordinatio generalis

Romanae Curiae foras datur, 30 Aprilis 1999, Regolamento generale della Curia Romana, 30 Aprile

1999, art. 36 § 2, in AAS 91 (1999), 646: « Con particolare cura sarà osservato il segreto pontificio,

a norma dell'Istruzione Secreta continere del 4 febbraio 1974 ».

Secretaria Status seu Papalis, Rescriptum ex Audientia, instructio Secreta continere, De

secreto pontificio, 4 Februarii 1974, in AAS 66 (1974), 89-92:

« Art. 1. Secreto pontificio comprehenduntur: ...

4) Denuntiationes extra iudicium acceptae circa delicta contra fidem et contra mores, et

circa delicta contra Paenitentiae sacramentum patrata, nec non processus et decisio, quae ad

hasce denuntiationes pertinent, salvo semper iure eius, qui ad auctoritatem delatus est, cogno-

scendae denuntiationis, si id necessarium ad propriam defensionem fuerit. Denuntiantis autem

nomen tunc tantum patefieri licebit, cum auctoritati opportunum videatur ut denuntiatus et is,

qui eum denuntiaverit, simul compareant; ... » (p. 90).