ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE APOSTOLICAE

I

Venerabili Servae Dei Irenae Stefani Beatorum honores decernuntur.

FRANCISCUS PP.

Ad perpetuam rei memoriam. - « Tunc dicet Rex his, qui a dextris

eius erunt: "Venite, benedicti Patris mei; possidete paratum vobis regnum

a constitutione mundi. Esurivi enim, et dedistis mihi manducare; sitivi, et

dedistis mihi bibere; hospes eram, et collegistis me; nudus, et operuistis me;

infirmus, et visitastis me; in carcere eram, et venistis ad me" » ( Mt 25, 34-36) .

Amor infinitus erga dolentes, heroica vivae fidei manifestatio, incitavit

Venerabilem Servam Dei Irenam Stefani, in saeculo Aureliam Iacobam Mariam

a Mercede, ut iisdem serviret ubicumque essent frequentiores: in terra Afri-

cae, in qua compluribus in valetudinariis operam dedit difficillibus ob plurima

bella temporibus. Ita vim amorosae dulcedinis ostendit in misericordia quae

ad corpus spectat, agnoscens praesentiam Domini apud maxime derelictos.

Haec caritatis Christi testis die XXII mensis Augusti anno MDCCCXCI in Anfo,

provinciae et dioecesis Brixiensis, est nata. Matre anno MCMVII orbata, fratrum

usque ad secundum patris matrimonium curam egit, deinde, XX annos nata, die

XIX mensis Iunii anno MCMXI, Institutum Sororum Missionariarum a Consolata

An. et vol. CVIII 4 Novembris 2016 N. 11