Congregatio de Causis Sanctorum 1295

et curabat. Primissimo mane surgebat ut ad trium Sanctarum Missarum

celebrationem participaret. Vespere orationem Sancti Rosarii ante Sanc-

tissimum Sacramentum moderabat. Tertia Dominica uniuscuiusque mensis

aderat conventui ab ea constituto fraternitatis laicalis Dominicanae.

Die 18 mensis Iulii anno 1936, civili bello exorto, Ovetum obsidione

clausum est. Hac in vice auxit habitualem orationem. Omni tempore con-

cesso, suo in cubiculo in colloquio cum Deo indulgebat ut pacem impetraret.

Duorum mensium obsidionis oppidi in perpetua obsecratione et paenitentia

vixit. In parte secunda mensis Septembris anno 1936 medici in ea intes-

tinae appendicis morbi signa cognoverunt, qui paulo post in peritonei in-

flammationem mutavit. Praxedes cum potuit se erigebat ut Eucharistiam

acciperet; postea medicus ex omni labore quietem imposuit. Illis civilis belli

condicionibus, lenimenta et medicamenta invenire nequebantur et valetu-

dinaria sauciis hominibus ex igniferis globis verberatis effugentibus supe-

rabundabant. Illa sereno animo omnes dolores tulit. Saepe invenerunt eam

orantem extensis brachiis modo crucis. Die 6 mensis Octobris anno 1936,

rosario manibus abstricto, miti obitu excessit.

Fama sanctitatis eius a die 7 mensis Novembris anno 1957 ad diem 16

mensis Septembris anno 1960 iuxta Curiam Ovetensem Processus Ordina-

rius celebratus est, cui a die 25 mensis Iunii anno 1973 ad diem 4 mensis

Aprilis anno 1975, Processus Suppletivus accessit, quorum iuridica validitas

per Decretum huius Congregationis de Causis Sanctorum diei 11 mensis

Novembris anno 1994 approbata est. Exarata Positione, more solito discep-

tatum est an Serva Dei heroum in modum virtutes excoluisset. Positivo cum

exitu die 30 mensis Aprilis anno 2013 Congressus Peculiaris Consultorum

Theologorum habitus est. Patres Cardinales et Episcopi Ordinaria in Sessione

congregati, me Card. Angelo Amato praesidente, Servam Dei heroicum in

gradum virtutes theologales, cardinales et adnexas exercuisse agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei

Praxedis Fernández García, Christifidelis Laicae et Matrisfamilias, Tertii

Ordinis Praedicatorum, in casu et ad effectum de quo agitur.