125. Hymnus alius de die iudicii.

1. Ante nam tribunal Christi
Pro ratione stabinus,
Boni non cum malis misti
Secutis semper facinus,
Mali in parte sinistra,
Boni a dextris partibus.

2. Iam tremebunt certe cuncti,
Rubebit[que] omnis vultus,
Qui sunt artes male functi
Et in eis malus cultus,
Pharaoni stabunt iuncti,
Nam punietur quis stultus.

3. Referrentur cogitatus,
Mala verba, otiosa,
Cuncta operaque actus
Bonaque pernitiosa,
Non contritus non confessus
Intrat loca tenebrosa.

4. Quantus est futurus tremor,
Quando iudex est venturus,
Cunctis erit magnus terror,
Iudex stricte discussurus,
Contra malos eius fervor,
Nemo sibi absconsurus.

5. Mirum tuba spargens sonum,
Quem totus mundus sentiet
Et sepulcra regionum,
Haec cuncta iam aperiet,
Ducet omnes ante thronum,
Omnis mortuus resurget.

6. Libri scripti proferentur
Cuncta gesta referentes,
Viri sanctique laetentur,
Peccatores sint dolentes,
Acta publice legentur,
Erunt iusti congaudentes.

7. Iudex iustus cum sedebit
Declarans cuncta opera,
Quidquid latet apparebit,
Per cuncta quidem tempora,
Nil inuitum remanebit,
Retribuet hic munera.

8. Rex tremendae maiestatis,
Recordare, Christe pie,
Quod salvandos salvas gratis,
Sumus causa tuae viae,
Tu fons vivus pietatis,
Nos salvemur illa die.

9. Iudex iustus ultionis,

Quaerens nos dedisti lapsus,
Donum fac remissionis,
Redemisti crucem passus,
Ante diem rationis
Sit processus noster cassus.

10. Preces meae non sunt dignae,
Sed tremesco tamquam reus,
Nam et geras tu benigne,
Nobis cunctis parce, Deus,
Tu defende nos ab igne,
Culpa rubet vultus meus.

11. Verbi, Domine, memento,
In quo mihi spem dedisti,
Tu me finis in momento
Et de luto me fecisti,
Cum recludar monumento,
Ergo salver, ut dixisti.

12. Tu scis bene, quod sum cinis,
Reduces me in pulverem,
Memor esto mei finis,
Convertam me in cinerem,
Iuva me a malis minis,
Tu facito me hilarem.

13. Si in lumine aeterno

Essem, nimis te laudarem,
Et si essem in inferno,
(Te)nonsicfortecommendarem,
Dicas mihi: non te sperno.
Iam te feci, ut salvarem.

14. Te non mortui laudabunt,
Sed iam homines, qui vivent,
Qui in gaudium intrabunt
Et tuam lucem sentient,
Tibi laudes proclamabunt
Et tibi cantus facient.

15. Tu Dominus iam es certus,
Naturalis sum peccator,
Iam a te non sim desertus,
Ego servus, tu creator,
Contra me non sim expertus,
Esto mihi miserator.