8. Hymnus de Passione Christi.

1. Cum Herodes hoc [re]scivit,
Sanctos magos pertransire,
Hic ab eis exquisivit,
Ad quem hi volebant ire;
Ipsis magis quidem dixit:
Curate ad me redire.

2. Cum ad domum accesserunt,
Ubi erat Christus puer,
Ipsum corde adoraverunt,
Qui moratur lux et pulcher,
Sibi munera dederunt,
Quae recepit hic magister.

3. Nam sanabat hic Iudaeos
His faciens miracula,
Liberabat ipse reos
Et auferens pericula
Arguebat pharisaeos,
Ne moverentur iacula

4. Impiissimi Iudaei

Se in loco convenerunt,
Mali scribae, pharisaei,
Et consilium fecerunt,
Erant inimici Dei,
Iesum Christum hi ceperunt.

5. Fuit Iesus Christus captus
A malis cum insidiis,
Fuit Christus hic ligatus
Et a Iudaeis impiis,
Fuit ipse verberatus
Cum maximis tristitiis.

7. Virgo sancta, mater Christi,
Cordialiter plorabat,
Erat data poenae tristi,
Quia filium perdebat;
Deus quid me reliquisti,
Iesus fortiter clamabat.

8. Qui transitis, vos videte,
Si est dolor, quantus meus ;
Passionem vos habete,
Cruciatur Christus Iesus,
Una mecum vos dolete,
Nam defecit mihi Deus.

9. Sunt discipuli dispersi
Fugientes prae timore,
Iam Iudaei hi perversi
Posuerunt in rumore,
Sunt in fugam bi conversi
Recedentes a doctore.

6. Iam fuit Christus venditus
Per Iudam certo pretio,
Fuit Iudaeis traditus
Atque Pilato Pontio,
Fuit Iesus flagellatus
Et traditus supplicio.

10. Ille impius Pilatus

Christum male iudicavit,
Fuit hic Iudaeis datus,
Quia turba exclamavit,
Fuit cruce clavellatus,
Latus eius perforavit.

11. Fuit datus Christo potus,
Cum Christus Iesus sitiit,
Fuit hic turbatus totus,
Cum potum ipsum sentiit,
Fuit factus terrae motus,
Cum ipse mortem tetigit.