189. De sancta Elisabeth.
Ad Vesp. et Noct.

1. Pange, lingua, gloriosae

Viduae praeconium
Stirpe, vita generosae

Recole solemnium
Et decore speciosae

Gratiarum omnium.

2. Nata regis Hungarorum
Pulchra fide, facie,
Napta ducis Thuringorum

A nuptarum acie
Viduarum adit thorum
Pauperis in specie.

3. Duplum quaerit uno plena

Fructu felix femina,
Cum ter denis ut sex dena

Post virtutum semina
Serta legat Sareptena

Tamquam ligna gemina.
4. Sic post statum virginalem,

Post nuptarum meritum
Instar Annae vidualem

Fert et luctus habitum,
Rectum, sanctum, principalem

Habens in se spiritum.

5. Juramentum Dei mei
Vel ejusdem septima

Voto jurans libat ei
Sui cordis intima

Septiformi dono Dei
Facta Christi victima.

6. In camino paupertatis

Fide purgatoria,
Propter fidem castitatis

Spe consolatoria
Fulget aurum caritatis,

Purum omni scoria,
7. Vas electum, vas honoris,

Vas misericordiae,
Vim virtutis et odoris,

Quibus egent hodie,
Vasis irae spira foris,

Vasis contumeliae.

8. Gloria et honor Deo
Usquequo altissimo,

Una patri filioque,
Inclito paraclito,

Cui laus est et potestas
Per aeterna saecula.