46. De Vita DN.

1. Alta proles sanctissima
Deum promissa nobilis,
Ut ros venit in vellere,
Replet mundum miraculis.

2. Beata quoque virginum,
Deum quae coeli genuit,
Qui totum mundum condidit,
Maria fert in utero.

3. Cunabulis infantia

Deum pannis involvitur,
Qui regnat in coelestia,
Vagit infans in praesepe.

4. Dum pastores pervigilant,
Migrantes jubar conspiciunt
Magi, sequentes inveniunt,
Christo munera offerunt.

5. Erodes miser invidus
Necare jubet parvulos,
Dum Christum vult occidere,
Salvare mundum qui venit.

6. Fugit Joseph in Aegyptum
Cum Maria et Domino,
Ut adimpleret scripturam
Prophetiae, quae dixerat.

7. Gelabat tunc diabolus,
[De coelo] qui ceciderat,
Timens venturo Domino,
Anguis Evam deceperat.

8. Helias venit provide
Johannes in aenigmate,
Esca urticae, habitu
Aequales zona cinxerat.

9. Jordanem Christus ingreditur,
Servus baptizat Dominum,
De coelo vox intonuit,
Columba infert chrismata.

10. Kana figuntur nuptiae
Jesu et matre Maria,
Implere jubet hydrias,
Aqua in vinum vertitur.

11. Legit vero ex omnibus
Duodecim apostolos,
Per quos, [quas] mundus

continet,
Sortem dedit provincias.

12, Maria rigans lacrimis

Christi pedes cum Lazaro,
Jesus clamans, exsiliit,
Surgit mortuus de tumulo.

13. Negant Judaei perfidi
Videntes mirabilia,
Dum credere debuerunt,
Christo parant patibulum.

14. O gentem profanissimani,
Demum Judas ingreditur,
Agnus dat lupo oscula,
Christus Judaeis traditur.

15. Petras a longe sequitur
Et Malcho aurem amputat,
Exspectans in praetorio
Ter denegavit hominem.

16. Quanta patuit divinitas,

Pro fratre vix quis moritur,
Ut vinceret diabolum,
Christus pro nobis passus est.

17. Recepto sancto corpore
Joseph in aromatibus
Cum sindone in tumulo
Magnum recondit thesaurum.

18. Sigillum signat tumulum,
Jesus vadit ad inferos,
Inferni claustra conterit,
Adam inde eripuit.

19. Tertia die resurgit,
In Galilaea praedicaiit
Videntes mirabilia,
Quae fecit Christus Dominus.

20. Videntibus discipulis

Christum circumdant angeli,
Coelum, terram suspiciens,
Jesus ad patrem revertens.

21. Xristos vadit in quadriga,
Coeli secreta penetrat,
Cum quatuor animalibus
In septimo throno sedet.

22. Ymnum canentes resonant
Tota coeli militia,
Agnus beatus revertens
Triumphans de diabolo.