sig. 55.

Quomodo calx corporum reducitur in massam ? Require etiam in libro Formidini sig. eberi.

Reductio vero calcis corporum in solidam massam sic fit: Recipe calcem cujuscumque metalli volueris,et tere optime super lapidem, postea lava cum aqua calida bis velter, et turbulentum ejice : cum aqua pura descenderit, tunc satis est : tunc desiccatum optime tere, et appone aquam aluminis jameni mistam cum aqua salis communis, et tere fortiter, et imbibe cum aqua ilia toties imbibendo et desiccando, donec fiat calx viva et alba (et hoc ad album) : et ita removeantur omnia sulphurea accidentia ab ipsa, quae contraxit in terra : postea tere semel cum aqua al 1.ali, et cum desiccatum sit, pone in vasculum, scilicet crucibulum, et claude bene cum argilla, et fac foramen parvum in una parte, ut exeat massa quando fusa est : et pone in funium, et sufflando da ignem vehementem, ut cito fundatur : et cum fusa fuerit, aperi foramen, et effunde materiam In canale ferreum, ubi sit sepum infusum, et videbis massam albam, et sig. audebis. Et haec massa potest recipere tincturam albam vel rubeam, quia mundata est ab omni corruptione. Si autem ad rubeum laborare volueris, imbibe calces metallorum cum aqua rubea ex flore aeris, sive ex atramento, sive minio facta, et fac per omnia ut supra dictum est : ultimo cum aqua al 1.ali, et effunde sicut docui : et erit massa rubea, et sig. audebis.

Additio. Aliqui dissolvunt nitrum et alumen in aceto, et cum illo lavant nigredinem calcis.

Alii reducunt Venerem sic : Recipe salem al 1.ali, et salem nitri, et dissolve in urina puerorum, et cum hoc impasta calcem Veneris, et pone ad ignem lentum, donec sit aliquantulum siccum : postea fortifica ignem, donec sit reductum : deinde ignias, et in oleo communi exstingue quatuor vicibus, et habebis Venerem similem Lunae, aut saltem fixam, Calx autem Veneris fit caemetando cum sale communi, donec teri possit et lavari.