sig. 37.

Quomodo mercurium praeparabis, et super nivem dealbabis ?

Recipe de mercurio libram unam, et contere super lapidem sic : Recipe calcem corticis ovorum, sive calcem marmoris albi, sive viride aeris, et pone ex eo super lapidem, et superfunde acetum forte, et contere in pastam : postea appone de mercurio parum, et contere donec nihil appareat, et iterum parum appone de mercurio . et contere simul sicut prius, et appone parum de sale armoniaco : vel tere omnia simul, donec non appareat mercurius : tunc facies ex hoc frustula ad modum pastillarum, et pone in vas donec nihil appareat. Tunc fac ex eo pastillas, et pone in vas factum Ad modum scutellae, et pone ad siccandum in fornacem mediocriter calefactam, ne per nimium calorem mercurius evanescat. De mercurio sit libra una, de calce sit libra una, de sale armoniaco est mensura ut semper sumas tantum quantum de calce, et quantum de mercurio : et debet conteri donec nihil appareat de mercurio. Quum autem bene desiccatum fuerit, iterum contere sicut prius cum aceto, donec non appareat, et pone Ad siccandum. Hoc autem est signum perfectae contritionis, quum ipsius parum madefactum cum saliva super argenteum denarium indo linitum non adhaeserit mercurius : si autem adhae- serit, non est bene tritum. Quum autem satis fuerit, contere minutissime sine aliqua defectione, et positum in sublimationem, coopertorium superpone.

Hoc tamen non est praetermittendum, quum imposueris medicinam, quia superficiem ejus aeque cum penna pectinando : et sic vas clausum cum argilla in conjunctione vasorum optime linias ne respiret, et positum super funium sublimationis da ignem per dimidium diem lentum, donec ista humiditas evaporet : quod probabis superponendo laminam, donec exsiccetur : cum exsiccatum fuerit, claude cum argilla bene, et da ignem fortiorem, et in ultimo da fortissimum : et cum nox est, permitte infrigidari, : mane aperi, et quidquid de eo vivum fuerit, apparebit in superiori parte aludel : altera vero pars jacebit supra faeces sicut nix, pulverizabile circa parietes inferioris vasis, aliquando in superiori vase, illud collige et reserva : vivum sicut prius contere cum faecibus, et sublima donec habeas ipsum totum mortuum et pulverizabile, et ita contere totiens et sublima, donec habeas ipsum totum mortuum et pulverizabile. Tunc ulterius ne apponas ei aliquem liquorem, quia statim reciperet suam vivacitatem, et labor tuus esset inanis. Recipe tunc de sale praeparato ut docui, et bene pura et siccata parte una, appone partem dimidiam mercurii sublimati, et cum manu misce simul, et pone illud in vas sublimandum, et plana superius et claude, et sublima sicut prius : mane extrahe, et quod sublimatum est collige et proba : si in faecibus aliquid remanserit, haec nota : accipe de faece, id est de sale parumper, et pone super carbones, si fumigat, tunc secunda die idem sublima sicut prius per diem, et postea collige diligenter valde omnia ista sublimata : et tertio cum novo sale pone ad sublimandum : et sic fac sicut prius, et invenies super nivem dealbatum. Tunc proba si adhuc in faecibus aliquid remanserit : et si aliquid remanserit, sublima donec totum habeas : tunc

accipe iterum novum salem, et fac sicut prius quater vel pluries usque ad fixionem, et serva.

Additio, A Talco etiam optime calcinatur. Magister Joide Meun in suo magno opere apponit etiam viride aeris, quod tamen est contra sig. eberum in capitulo de sublimatione mercurii: quia dicit, quod sublimari debet cum his quae sulphureitatem non habent, etc.

Modus sublimandi mercurium melior

omnibus : Rasis in libro Divinationis qui est vigesimus tertius de septuaginta. Sume sal sig. emmae partem unam, atramenti aegyptii partem aliam, quas bene teras :

deinde super eas jace argenti vivi quantum ipsae sunt, et totum simul bene teratur : deinde ponatur in fundo alludel pergamenum, et super ipsum ponatur sal gemma assatus, cui superponatur medicina, postquam illa desiccata fuerit, quod nihil humoris sit in ea relictum : et accendatur sub eo prius ignis paucus : deinde augmentetur, donec argentum sublimetur vivum : postea ipsum sume, et optime tere, et sublima ipsum : sitque caput alludel in primis amplum, postea arctum successive et magis angustum, donec redeat sicut palma manus : sublimabitur enim sicut crystallus in partibus alludel sub scuto. De eo vero quod est super scutum, non fit lapis, sed erit pulvis albus : et hoc erit septem vicibus. Si ergo firmatum sit super ignem, et tabulam ignitam, erit bene, et si non, reitera sublimationem cum atramento et . sale, ita quod super caput angustetur : ipsum enim curret (vel haeret) et facit tabulam albam, et argentum merum.

Si saepius sublimaveris mercurium, in qualibet vice debes minuere quintam partem faecum : si cum vitriolo et sale sublimes ut supra, debent assata esse.

Lutum quo juncturae claudantur, fit ex cinere, argilla, sale communi, dissolutis in urina. Aliqui cum albumine ovi et calce viva.