sig. 17.

Quod sal armoniacum sit duplex.

Sal armoniacum duplex est, scilicet naturale et artificiale. Naturale est quod invenitur in terra duplex, scilicet album et rubeum : quorum tamen utrumque

extrahitur de minera dura et clara, saporem habens vehementer salsum, natura ejus calida et sicca, Est etiam lavativum, mundificativum et subtiliativum. Artificiale est melius naturali in opere nostro : et ipsum est nobilius omnibus salibus, et convertit Mercurium in aquam, quando cum eo assatur et teritur, et mittitur in aliquo loco humido ad solvendum : et cum ipso ferrum et plumbum solvitur. Ipsum quoque est oleum, quod congelavit siccitas ignis. Natura ejus est calida et humida, et est spiritus subtilis ad elixir : nam sine ipso nec solventur, nec ingredientur.

Et sciendum est, quod per ipsum non dealbantur corpora, nec rubificantur, nec transubstantiantur sicut per alios spiritus : sed ipse dat aliis introitum, et purgat, et mundificat corpora a nigredine : tunc relinquit ibi spiritus cum corporibus permistos, et coadjuvat eos, et postea recedit.

Additio. Aqua salis armoniaci sublimati, vel non, sed per filtrum, vel pluries per pannum subtilem et spissum colati cuilibet corpori calcinato in aliud. corpus fusile praebet ingressum, si illud calcinatum saepe in eo imbibatur, et postmodum congeletur, et ultimo pulverizetur et dissolvatur. Unde crocus ferri hoc modo praeparatus, argento auri optimi, tincturam praebEt