sig. 10.

Quod quatuor sani spiritus metallorum qui tingunt.

Sciendum ergo quod quatuor sunt metallorum spiritus, scilicet mercurius, sulphur, auri pigmentarii, vel arsenicum, et sal armoniacum. Isti quatuor spiritus tingunt metalla in album et rubeum, id est in Solem et Lunam : non tamen per se, nisi prius praeparentur ad hoc cum medicinis diversis, et non effugiant ignem : et cum steterint in igne faciunt mirabilia opera. Faciunt enim de Marte vel Jove Lunam, de Venere vel Saturno Solem.

Et ut breviter dicam, omnia metalla transubstantiantur in Solem et Lunam, quae paria sunt omni naturali in omnibus operibus, excepto quod ferrum Alchimiae non trahitur ab adamante : et aurum Alchimiae non laetificat cor hominis, nec curat lepram, et vulnus ex eo factum tumescit, quod non facit ex auro naturali. In omnibus enim aliis operibus, scilicet malleatione, examinatione, et colore durat in aeternum. De his quatuor spiritibus fit tinctura, quae dicitur Elixir arabice, fermentum latine.