251. (4. ) In Resurrectione Domini.

Oblato Christo studeat sibi quilibet isto Tempore paschali laudis dono speciali Pacificare Deum, qui depopulans hypogaeum Ut tiro magnus, tondendus mitis ut agnus,

5 Agnos exemit exinde suosque redemit, Nos miseros vero simili pietate supremo Patri placavit, miserando reconciliavit. Mors contra vitam pugnam confert inimicam, Dux regnat vitae vivus mortis sine lite.

10 Dic, dic ergo pia nobis dulcisque Maria,

Quid vidisti flens prope tumbam quando stetisti? Angelicos testes, sudaria, lintea, vestes. Unica spesque mea surrexit et hoc Gallilaea Approbat, est visus ibi nam multis redimendus.

15 An vis Iudaee tibi credamusve Mariae? Illius sanis verbis tu falsificans. Qui vivis vere, tu nobis, rex, miserere.