Orricus Scacabarotius, Archipresbyter Mediolanensis, d. 1293.
399. (1. ) Hymnus ad Vesperam.
400. (2. ) Hymnus ad Matutinum.
402. (4. ) De sancto Udalrico.
Sequentia.
1 a. Odelrico collaetemur, Eius festo iucundemur Lyra, viella, tympano;
1 b. Sancta vita hunc sectemur, Hunc laudantes veneremur In cymbalis et organo.
2 a. Nobilis hic Alamannus Fuit, civis Augustanus, Clara natus prosapia,
2 b. Praesul iustus et urbanus, Cuius fuit larga manus, Pius misericordia.
3 a. Sublimant istum sanctitas, Episcopalis dignitas In Augustensi patria,
3 b. Ornat morum nobilitas
Mundumque reddit castitas Mentis, carnis munditia.
4 a. Fervens fuit caritate, Perennis humilitate, Miris pollens operibus,
4 b. Affluens benignitate, Liberalis largitate
Subveniens pauperibus.
5 a. Trina pavit hic pastura Diligenti plebem cura Fidelis pastor ovium,
5 b. Verbo, cibo, vita pura Gregi sua reddens iura, Ut docet evangelium.
6 a. Miraculis mirabilis,
Fide firmus, spe stabilis Et fortis patientia,
6 b. Deo fuit amabilis, Hominibus affabilis,
Circumspectus prudentia.
7 a. Servus bonus Odelricus Domini fuit amicus, Modestus temperantia,
7 b. Vitiorum inimicus
Dat virtutum dulces ficus Suavi cum fragrantia.
8 a. Odelrice, nobis dona, Perfruamur ut corona Tuae precis instantia
8 b. In superna caeli zona, In qua bonis cuncta bona Praestantur Dei gratia.