227. (5. ) De sancto Laurentio.

1. Conscendat usque sidera Caelique pulset intima Vox atque cantus omnium Te Deum collaudantium.

2. Adest namque festivitas Et dies venerabilis, In quo caelum pro meritis Laurentius ingressus est.

3. Qui superatis ignibus Et impiis tortoribus, Devictis saevis hostibus Nunc gaudet in caelestibus.

4. Ipse dignetur Dominum Rogare clementissimum, Ut ab aeternis ignibus Nos salvet et daemonibus.

5. Deo patri sit gloria Eiusque soli filio Cum spiritu paraclito Et nunc et in perpetuum.