225. (3. ) De sancta Walpurga.

1. Ave, flos virginum, soror magnorum Fratrum Willibaldi et Wunibaldi, Ave, virginei sponsa decoris.

2. Inter innumeros, quos misit sanctos, Te lectam genuit lectamque misit Florem angelicum Anglia mater.

3. Te mater Domini, mater et virgo, Choreis virginum virginem iunxit Filioque suo sponsam dicavit.

4. Ingressa thalamum regis caelorum Audis angelicum carmen jucundum: Intra, virgo, tui gaudium sponsi.

5. Laus tibi, trinitas, laus et potestas, Te laudant virgines quinque prudentes, Te oret pro nobis virgo Walburgis.