226. (4. ) In Inventione s. Stephani.

1. Deus, deorum domine, Rex sempiternae gloriae, Rex invictorum militum, Carmen exaudi supplicum.

2. Terra tegens absconditum Dulcis thesauri pretium Invento protomartyre Mundo reddit spem gratiae.

3. Omnes devoti martyres, Laudate protomartyrem, Vestris dignus est laudibus Vestri dux belli praevius.

4. Donatur primus laurea In acie dominica, Quem prostratum lapidibus Dei assumpsit filius.

5. Iam, protomartyr Stephane, Preces devotas accipe, Quibus per te nos quaesumus Deo placari caelitus.

6. Quem pro persecutoribus Exaudiebat Dominus, Et pro tuis supplicibus Exaudiet propitius.

7. Vosque iuncto Nicodemo, Gamaliel et Abibon, Pro sine fine excessibus Finem non date precibus.

8. Deo patri sit gloria Eiusque soli lilio Cum spiritu paraclito Et nunc et in perpetuum.