87. De sancta Rictrnde.

In 1. Vesperis.

Ad Magnificat.

A. Sanctissima Dei famula,
Rictmdis, tuum poscimus
auxilium,

Ut pro debitis nostrorum
criminum

Impetrata delictorum
venia,

Una tecum mereamur
Regnum possidere siderum.

Ad Matutinum.
Invitatorium.

Rictrudis sponso,

sit laus et gloria Christo,
Pro cujus merito

jubilemus ei vigilando.

In 1. Nocturno.

Antiphonae.

1. Enitet ut viola

redolens in vepribus orta
Mundo
Rictrudis, Dei famula.

2. Vasconiae genita

generoso germine vita
Claruit
Rictrudis inter filias.

3. Femina virtutis

data sponso nobilitatis
Rictrudis
Deseruit natale solum.

4. Juncta viro forti,

quem Francia nobilitavit,
Rictrudis
Fructificavit Domino.

5. Prolis sacratae

mater geniti genitaecrae
Facta est Rictrudis
Maurenti et Eusebiae.

6. Hos peperit mundo

coelis paritura secundo
Rictrudis
Genitore spiritu sancto.

Responsoria.

1. Inclita Vasconiae

famosis finibus orta,
Sanguine nobiliter,
nobilius meritis
Rictrudis emicuit
V. Baptismique sacris

mox sancta renascitur undis.

2. Haec femina laudabilis

Meritisque honorabilis

Rictrudis egregia

Divina providentia

Pervenit in Galliam
V. Praeclaris orta natalibus,

Honestis alta

Et instituta moribus.

3. In meritis sanctae

Rictrudis te veneramur,
O rex omnipotens,

qui fructum mirificasti,
Quem protulit ipsa ;
V. Coelis ac terris

est proles tota beata.

4. Nec caro nec mundus

nec rex impellere possunt,
Ut conjungatur

denuo sancta viro
Jam privata semel,
V. Ardens mente Deum
vitat inire thorum.

In 2. Nocturno.
Antiphonae.

1. Naturae merito

carnis viduatur marito,
Renuntiat
Carnali thalamo.

2. Spreto carnali

se sponso spirituali
Confoederat
Rictrudis inclita.

3. Turturis ad vocem

fit turtur amore liquescens
Rictrudis
Ad sponsi sermonem.

4. Perspicuo vultu,

vario circumdata cultu
Nitens
Complacuit sponso.

5. Vestis, a qua tegitur,

est vernans purpura byssus,
Byssus pudicitia,
Crux signatur purpura.

6. O pia Rictrudis,

quae gaudes incola cacli,
Nos ope continua
adjuves et foveas.

Respcrasoria.

1. Concivis et rege simul
mirantibus actum
Femina plena Deo

contegit ipsa caput
Velamine sacro;
V. Hoc ipsi pridem

sacraverat almus Amandus.

2. Spernens illecebras

et pompas resque caducas
Aetemis inhiat
Jam fruitura Deo
Rictrudis egregia,
V. Ad sobrios habitus

mores conformiter ornat.

3. Terrenas opibus

mutavit provida coeli,
Hic dum Rictrudis
dulcia continuat
Praeconia Christi;
V. Sic, sua quae fuerant,

melius sunt dum referantur.

4. Laude demus Dominum
in beata Rictrude,
Cujus fructus permanet

in aeternitate,
De qua non est ortus, qui
non sit Deo dicatus.
V. Benedictus Deus, qui talem
sibi elegit famulam.

In 3. Nocturno.
Ad Cantica.

A. Ad sepulchrum sanctae
delatus daemoniacus
puer virtute divina
et sanctae Rictrudis meritis
protinus sanatus discessit.

Responsoria.

1. Dignum erat, ut quae genuerat

Deo carnalem,
Parturire prolem

mereretur spiritualem;
V. Praeficitur sanctae

plebi, populo acquisitionis.

2. Actibus et verbis

monstrans exempla salutis,
Mores instituens,

morum vestigia praebens,
Pervigili cura

prodesse gregi satagebat.
V. Ipsa namque piissimo
affectu diligebat
sorores ut proprias filias.

3. Nec sumptas passim

nec confers res alienas,
Sed propriis refoves
muneribus famulos,
Reverenda Rictrudis,
V. Ut, bene quod vivunt,

in Christi laude tuum sit.

4. Gloriosa Dei
Famula, Rictrudis,

monilibus compta divinis,

Adstans ante tribunal
Aeterni regis
Hodie suscepit

perpetuae dignitatis
Gloriam psallens
Ore almifluo
V. Deposito carnis onere
Cum virtutum nectare
Adsistens Christi famula
Coram coelesti sponso.

In Laudibus.
Antiphonae.

1. Beata Dei famula,
Rictrudis, adhuc posita
In terris mente devota
Christo haerebat in aethra,

2. In hac ergo die
digne laetemur,
Qua beata Dei famula
carnis vinculo soluta
justorum est choris sociata

3. Jam conjuncta civibus
angelicis,
Nostri, petimus,
ut memineris,
Quatenus per orationem
tui mereamur
A nostrorum erratuum
nexibus absolvi.

4. Benedicimus te,
Domine Deus noster,
Cui omnis honor,

laus et benedictio
debetur perenniter,
Qui etiam hodie
dilectam tibi famulam
aeternam
sublevasti ad gloriam.

5. Omnes Dominum
laudant creaturae
in beatae

Rictrudis celebritate,
Quae relicta
hac die mortali gleba
Justis est
in gloria copulata.

Ad Benedictus.

A. Erat benigno animo
Et moribus conspicua,

Prudens et pudica,

Adspectu decora
Et in sanctis actibus

Fulgebat gloriosa.

In 2. Vesperis.
Ad Magnificat.

A. O beata Rictrudis,
gloriosa matrona,
Servorum tuorum pia
attende, quaesumus, obsecmia
Et coram Deo crimina
nostra excusa
Vitaeque perpetuae
nobis obtine commoda.