17. De s. Augustino Cantnariensi.
22. In Translatione s. Barnardi.
23. In Translatione s. Benedicti.
31. De ss. Cantio, Cantiano, CantioniJla.
38. In Translatione s. Dionysii.
48. De ss. Epiphanio et Isidoro.
63. De ss. Hermelando et Baldo.
75. In Translatione s. Ludovici.
76. In Translatione s. Mariae Magdalenae.
78. In Dccollatione s. Johannis B.
82. In Translatione ss. Patricii, Cornmbae et Brigidae.
In 1. Vesperis.
Ad Magnificat.
A. O Christo plebs dedita,
Sanctorum glebis praedita,
Gratuleris hodie,
Tota sis jucunda,
Erumpens in laudibus
Sursum erectis cordibus
Lauda regem gloriae
Labe mente munda ;
Spem fide corrobora,
Ecce sanctorum corpora
Hermelandi Baldique
Tibi commendantur,
Votis ergo sedulis,
Dignis concentus modulis
A nobis nunc utrique
Laudes referantur.
Ad Matutinum.
Invitatoriura.
Praeoccupemus faciem Domini
In confessione sanctorum.
Ad Nocturnum.
Super Psalmos,
A. Laus litetur in sanctorum
Festo grata numini,
Nam in lege Domini
Fuit voluntas eorum.
R esponsoria.
1. Mundum ad agni nuptias
Invitans rex coelorum
Servos praemisit varias
Promittens post laborum
Cursum vitae delicias
Mercedem meritorum.
V. Horum sancti, nunc proprias
Quorum colis exuvias,
Typum tenent servorum.
2. Cultu laudum impendia
Sacrae devotionis
Prome, praesens ecclesia,
Paradisi colonis,
Quorum fulges praesentia
Congaudesque patronis.
V. Laudes ipsorum amplia
Vitae compescens vitia
Filiae Babylonis.
3. Te, Christe, laudant supera,
Terra, pontus et cetera,
Quaecunque condidisti,
Qui tot in vitae vespera
Nobis sanctorum pignora
Praeclara contulisti.
V. Nobis remitte scelera
Tibique nos confoedera,
Christe, quos redimisti.
Ad Laudes.
Super Psalmos.
A. Exuti carnis carie
Deum laudant in caelis,
In laude quorum hodie
Resultat nostra chelys.
Ad Benedictus.
A. Te laudamus, Jesu bone,
Qui certantes in agone
Confortas ex munere,
Dum nos ditas beatorum
Glebis, fac nos ad eorum
Gaudia pertingere.