71. De sancto Ludovico.

In 1. Vesperis.
Antiphonae.

1. Ludovicus, decus regnantium,
Transit felix ad coeli solium,
Cujus prece coetus fidelium
Summi regis intret in gaudium.

2. Gaude, regnum Franciae,
Cui dedit rex gloriae

Tam excellens donum,
Quod tu regem proprium
Habes in subsidium

In coelo patronum.

3. Te, dum ipse viveret
Ac coronam regeret,

Tamquam rex defendit ;
Nunc particeps gloriae
Factus tuae veniae

Diligens intendit,

4. Plebs ergo Francigena
Non tamquam gens advena

Christo refer laudes,
In cujus palatio
Tui patrocinio

Quondam regis gaudes.

5. In terris regimine
Ac sub ejus nomine

Protecta fuisti,
Modo tibi gratiam
Impetret ac veniam

In conspectu Christi.

Ad Magnificat.

A. Magnifica gesta clarissima
Sancti Ludovici,
Divino cultui
Devotum hodie

Praesens collegium.
Cujus sancta conscendit auima
Sub fine felici
Regni perpetui

Cum sanctis patriae
Sublime solium.

Ad Matutinum.

Imitatorium.

Ludovici laeta solemnia
Lacta colat mater ecclesia.

In 1. Nocturno.

Antiphonae.

1. Beatus qui solium,
Iter et consilium

Malorum vitavit,
Sanctus ab infantia
Ludovicus haec tria

Semper declinavit.

2. Regni sedem consecutus
Humilem se praebuit
Et in Sion constitutus
Cultu Dei claruit.

3. Susceptus ad meritum
Gloria dotatur,
Caput Deo subditum
Coelo coronatur.

Responsoria.

1. Rex regum regi filio

Regales parans nuptias
Post certamen in stadio
Coeli praebet delicias,
Glorioso comercio
V. Pro regno temporalium
Regnum habet coelestium
Ludovicus in praemium.
2. Felix terra, cujus rex sapiens,
Justus, clemens, modestus,

patiens,
Cujus vultus est malos feriens,
Bonos alliciens.
V. Ludovicus sic terris praefuit,
Quod regnando coelos promeruit.
3. Hunc natura genuit
Regno fructuosum,
Voluntas exercuit
Mundo gratiosum,

Deus ipsum praebuit

Coelo gloriosum 5
V. Normam vitae posuit
Hunc Deus et tribuit

Signis virtuosum.

In 2. Nocturno.

Antiphonae.

1. Invocantem exaudivit
Deus regem humilem
Et praeclaris insignivit
Signis suum pugilem.

2. Deductus in justitia

Clemens subjectis praefuit,
Leges, poenas et praemia
Sapienter instituit.
3. Coronatur gloria

Sanctus et honore,
Quia mundi gaudia
Duxit in timore.

Responsoria.

1. Gloriosus apparuit

Non cultu praesidentis,
Sed cum incultus praefuit

More David ludentis,
Nec ex hoc sibi defuit
Auctoritas regentis ;
V. Virgam virtutis habuit,
In qua malos compescuit
Sed sub norma clementis.
2. Coram rege conspicitur

Liber in praeda perditus,
Miraculose solvitur

Rex Sarracenis traditus
Et hostibus expositus ;
V. Jonas undis eripitur,
Joseph detentus solvitur
Et David antro positus.
3. Cum esset in accubitu

Rex internae dulcedinis,
Arcens potenti spiritu

Pestes carnis et sanguinis,
Bonorum septus ambitu
Sceptro fulsit regiminis.

V. David regni sedit in solio
Salomonis utens judicio.

In 3. Nocturno.
Antiphonae.

1. Habitabat confidenter
Rex in monte Domini,
Quia vixit innocenter
Omni gratus homini.

2. Rex virtutis in virtute
Divina laetatur,
Quia sibi de salute
Spes firma donatur.

3. Innocens manus praebuit
Cordis quoque munditia
Ludovicus, qui meruit
Regni coelestis praemia.

Responsoria.

1. Fulget signis rex insignis,
Jam aegrotis ejus votis
Praestantur remedia,
V. Dati neci liberantur,
Claudi, caeci reparantur,
Fugantur daemonia.

2. Pro se suisque subjectis
Orans Deum et cum rectis

Rectum iter faciens

Domum Dei rex intravit

Et ad templum adoravit,

Ut praedixit moriens.

V. Felix cursus sic viventis,

Felix finis sic currentis

Deo semper uniens.

3. Regnum mundi supergressus
Et ejus ornatum,
Regnum coeli jam ingressus
Post hunc incolatum,
V. Peregre Jacob egressus
Patris ad mandatum
Deum vidit sic professus
Vitae coelibatum.

In Laudibus.
Antiphonae.

1. Ludovicus hodie
Decorem indutus
Est coelestis patriae
Regnum consecutus.
2. Omnis terra iubilet
Deo laeta serviens,
Laudibus invigilet

Novum festum faciens.
3. Ad te, Deus meus,
Semper vigilavit
Sicque nunquam reus
Coelos penetravit.
i. Benedixit creatorem
In suis operibus
Ludovicus gerens morem
Datum coeli civibus.

5. Ludovicus Dominum
De coelis laudavit,
Quando vitae terminum
Coelo dedicavit.

Ad Benedictus.

A. Benedictus Dominus,

Qui nobis erexit
Cornu, quod paulominus

A David dilexit,
Hic virtute geminus

Rex in pace rexit,
Quem regendi terminus

Ad coelum direxit.

In 2. Vesperis.
Ad Magnificat.

A. Magnificat miraculis
Ludovicum divinitas,

In quo cunctorum oculis
David fulsit humilitas,

Salomonis serenitas

Et Ezechiae veritas,
Quem gratiarum titulis
Solemnem fecit populis

Josiae par benignitas.

Per Octavam.
Antiphonae.

1. Ludovice, rex Franscorum,
In felice beatorum

Regno gaudens gloria,
De hac valle miserorum
Recto calle nos justorum

Duc ad coeli gaudia.

2. Magnificat Dominum
Et exsultet spiritus
Pauperum et divitum
In Deo salutari,
Qui generi hominum
Hunc regem divinitus
Ludovicum inclitum
Dedit pro exemplari.

3. Jam sanctus post laborem

Recepturus praemium
Regnaturum majorem

Exhortatur filium
Ad matris honorem,
De fide et moribus

Testamentum condidit
Et bonis operibus

Complementum addidit
Divinum amorem.

4. O martyr desiderio,
Quam pie mentis studio

Crucifixo compateris,
Cujus crucem in humcris

Tuis adfixisti;
Passio tibi deficit,
Sed martyrem te efficit

Fervor et zelus Christi.

5. Tu caccorum oculus,
Debilium baculus,
Oppressorum clipeus,
Perversorum malleus,

Nutritor minorum ;
Miserere populi
Te laudare seduli,
Nobilis rex Franciae,
Ludovice, gloriae

Consors beatorum.

6. O decus ccclesiae,

Pie rex Francorum,
Exemplar justitiae,

Lex et norma moram,
Post finem angustiae

Mortis et laborum
Praesta dono gratiae

Regnum beatorum.
7. Magnum magnatum speculum,

Ludovice rex Franciae,
Cunctis relinquens titulum

Sanctitatis eximiae,
Prece juvans in saeculum

Commenda regi gloriae
Devotum tibi populum.
8. O patriarcha procerum,
Piorum sator munerum,

Curam gerendo pauperum
Ludovice, rex beate,
Efficaces sint oblatae
Tibi preces, impetratae
Pacis nobis indilate
Fructum repetentes a te.

9. Ora, pater Ludovice,
Hac pro gente peccatrice

Sui reatus conscia,
Ut pax Dei genitricc
Tecum nobis adjutrice

Detur et indulgentia

A divina clementia,
Quae relicta cicatrice
Carnis palma cum victrice

Coronavit te gloria.