60. De santo Godelberta.

In 1. Vesperis.
Ad Magnificat.

A. Alma virgo, sponsa Christi,

cohaeres coelestium,
Insignis consors sanctarum

Godeberta virginum,
Audi voces famulorum

pariter canentium
Atque pia nobis tuum

impetra consortium.

Ad Matutinum.

Invitatorium.

Virgineum decus, aeternum

regem veneremur,
Virginis egregiae
Godbertae festa canentes.

In 1. Nocturno.
Antiphonae.
1. Spiritus alme, tuum

nostris nunc suggere lumen,
Cordibus ut hujus

celebremus virginis actus.
2. Ambianense pago

Noviomi ad opus venerando
Haec Godberta sacro

fuit edita utroque parente.
3. Utque columba piis

nitido de fonte renata
Actibus intendit

retinens serpentis acumen.

Responsoria.

1. Dulces lingua nostra Christo

reddat alte jubilos,
Qui multis locis beata

plura credens pignora,
Nos ab hoste munit armis

Godebertae virginis.
V. Reddi, Jesu bone, grates

ore, corde condecet,
Nam reminiscendo sui

jugiter auxilii.

2. Ex imbuta lege Christi

parentela nascitur,
Quam fide catechrzandam

Godebcrtam vocitant,
Rore fontis sic deluta

illustratur spiritu.
V. Exorcismis sacris fulta

domus Dei nitida
Universali fide[que]

subarrhata [Domino].

3. A puero Godeberta sacris

jam moribus haerens
Ad Christum toto

concepit tendere voto,
Cui sese castam

vovit servarier aulam.
V. Prudentum numero

sociatur virgo beata,
Lampade succensa

sponso sic pervigil adstat.

In 2. Nocturno.

Antiphonae.

1. Casta volans hujus

jam pulchrae fama puellae
Aures nobilium

pulsat ac dicere tentat.

2. Praevenit hos praesul

rirtutnm germine fultus,
Eligius Christo

Godbertam sponsat et almo.

3. Rex divina viciens

Lotharius nomine Christi
Mox dat huic dotem

donum cupiendo supernum.

Responsoria.
1. Sanctissima sponsa Christi
Godeberta beati
Antistitis Eligii

roborata doctrinis
Assumens lampadem cum

laetitiae oleo
Introivit ad nuptias
veniente Domino.

V. Memor dominici

praecepti jugiter
Commonentis:

vigilate, quia
Nescitis, quando

Dominus veniet.

2. Inclita virgo jugi

studio Godeberta subegit
Corporis illecebras,

animae quaerendo vitellas,
Deligitque cruces
sese sufferre tenaces,
V. Post Jesum tollendo crucem

mactatur in ara.
3. Gestorum titulis

spatium Godeberta per orbis
Quae celebris meritis,

virtutum lumen in actis,
Te, paradise, tuas
penetrat comitata cboreas.
V. Virginis almae
Anima linquens
Carnea claustra
Migrat ad astra.

In 3. Nocturno.
Antiphonae.

1. Haec inopum miserans,

lapsis solamina praebens
Dat visum caecis,
aegros a clade reduxit.
2. Talibus insignis

dimissa corporis aula
Spiritus alta petit,

niveus quem suscipit agnus.
3. Jam, Godeberta, polo

sociata perenniter agno,
Oramus nostras
deposce resolvere culpas.

Responsoria.

1. Magnis laudibus te decet
Frequentari, o sancta
Godeberta virgo, cui
Dominus abundantiam
Gratiae suae dignatus
Est conferre, quam plurimis
Ad te confugientibus
Infirmis tuo obtentu
Crebris subveniens medelis.

V. ''Diffusa est gratia in labiis
tuis, propterea benedixit te
Deus in aeternum.''

2. Sacro mausoleum

Godbertae corpore comptum
Gestatur, functis

quaedam nam femina nervis
Felici proprium

repedat mox alite tectum;
V. Venerat Audemia

cuncta compage soluta
Virgineis meritis

ac sospes denique facta.

In 2. Vesperis.

Ad Magnificat.

A. O veneranda,
O speciosa,
Compta superni
Munere regis,
Te, sacra virgo,
Corde subacto
Voceque pura
Quaesumus omnes,
Sedula vitae
Gaudia nobis
Posce perennis.