72. De sancto Ludovico.

In 1. Vesperis.
Antiphonae.
1. Lauda, coelestis regio,
Regem saeculorum,
Tuo dignus collegio
Adest rex Francorum.
2. Collaudent ecclesiae
Humilem, pudicum,
Pium regem Franciae,
Sanctum Ludovicum.
3. Hostem pestis haereticae
Prog enitorem habuit,

Qui fidei catholicae
Fortis athleta claruit.
i. Mater illustris genere
Mira pollens peritia

Docuit eum colere
Deum a pueritia.

Ad Magnificat.
A. Magnifica gesta clarissima
Sancti Ludovici,
Divino cultui
Devotum hodie
Praesens collegium,

Cujus sancta conscendit anima
Sub fine felici
Regni perpetui

Cum sanctis patriae
Sublime solium.

Ad Matutinum.
Invitatoriura.

Adsunt cum gloria

Christianae legis
Sacra solemnia

Ludovici regis.

In 1. Nocturno.
Antiphonae.

1. Ex strenuo milite
Patre procreatus
Sensu matris inclitae
Crevit educatus.
2. Oritur in gaudium

Sacrae puer indolis,
Felix puerperium,
Felix ortus sobolis.
3. Ab amore saeculi
Juvenis abstractus
Ea, quae sunt parvuli,
Vacuat vir factus.

4. Veritas et misericordia
Ceperunt habitaculum
Cordis, pax et justitia
Convenerunt ad osculum.

5. Evitans mundi strepitum,
Sedens domatis angulo
Reficiebat spiritum

Sacrae doctrinae pabulo.
6. Creatoris injuriam
Graviter ferebat,
Blasphemorum perfidiam
Dure puniebat.

Responsoria.

1. Ludovicus, rex inclitus,

Regum Francorum gloria,
A primaevo sollicitus
Christi sequi vestigia,

Promeruit divinitus
Aeterni regni praemia.
V. Rex sedens in solio
Decernens justitiam,
Contuito praemio
Dissipans malitiam.
2. Gratam vitae juventutem
Sapienter incipiens
Christi jugo supposuit,
De virtute in virtutem
Quotidie proficiens
Vitae coronam meruit.
V. Si legis attentus,

In Josia figuratur,
Cujus sic juventus
Regi regum famulatur,
3. In fundandis ecclesiis,

In relevatione pauperum,
Quam devotus exstiterit,
Certis patens indiciis
Praesens nobis adspectus
operum
Indubitanter aperit,
V. Cum manus justitia

Devoto mentis studio
Secum ab infantia
Crevit miseratio.
4. Verborum moderamine
Mire circumspectus,
Grata trahens dulcedine

Hominum affectus,
Veritatis examine
Noscitur perfectus.
V. Concepto sermone sobrius
Juramentum cavit,
Est, est, non, non dicens, am-
plius
Malum judicavit.

In 2. Nocturno.
Antiphonae.

1. Transit mare rex insignis
Firma fide fultus,
Multos graves ab indignis
Patiens insultus.

2. Occulto judicio

Sub crucis signaculo
Captus infortunio
Solvitur miraculo.

3. Hinc reversus ad patriam
Ecclesiam dilexit,
Veram exhibens latriam
Semper bonos evexit.

4. Deductus in justitia

Clemens subjectis praefuit,
Leges, poenas et praemia
Sapienter instituit.

5. Coronatus gloria

Sanctus et honore,
Quia mundi gaudia
Duxit in timore.

6. In omni discrimine
Reputabat gloriam
Hic pro Christi nomine
Pati contumetiam.

Responsoria.

1. Pro catholicae fidei
Promotione sedula
Mare transiturus
Subit ad honorem Dei
Terrae, maris pericula
De Deo securus.
V. Ut angelus Domini

Cum David immobilis,
Non cedit discrimini
Vir in fide stabilis.

2. Prorsus jactans in Dominum

Cogitatus sui curam,
Mundanorum discriminum

Nullam metuit pressuram,
Sperans a patre luminum

Opem semper adfuturam,
V. Confidens ut leo,

Justus, imperterritus,
Constanter a Deo

Praestolatur coelitus.

3. Coram rege conspicitur

Liber in praeda perditus,

Miraculose solvitur

Rex Saracensis traditus
Et hostibus expositus ;
V. Jonas undis eripitur,

Joseph detentus solvitur
Et David antro positus,

4. Cum esset in accubitu

Rex internae dulcedinis,
Arcens potenti spiritu

Pestes carnis et sanguinis,
Bonorum septus ambitu
Sceptro fulsit regiminis.
V. David regis sedet in solio
Salomonis utens judicio.

In 3. Nocturno.

Ad Cantica.

A, Beatus est iste dives
Inventus sine macula,
De quo paradisi cives
Deum laudant in saecula.

Responsoria.

1. Corpus ejus confectum macie,
Subjugatum suo spiritui,
Monstravere crebra jejunia,
Disciplinae, fletus, vigiliae,
Pallor, livor vultus emortui,
Cilicium, lecti duritia,
V. Statum poenalem et asperum

Rex pius elegit,
Se velut Manassem alterum

Penitus subegit.

1. De quinque catenis ferreis
Occulte suscepta verbera
Manu confessoris
Benigne ferebat in eis
Devote recolens vulnera
Nostri redemptoris.
V. Exutus a poenis
Carcere solvitur,
Liber a catenis
Regnum ingreditur.

3. Imminente mortis articulo
Diem vitae clausurus ultimum,
Morbo pressus decumbens lec-
tulo
Testamentum condidit optimum,
Memoriae dignum spectaculo ;
V. More Jacob liberis

Thesaurum doctrinae
Profuturum posteris
Legavit in fine.

4. Regnum mundi supergressus
Et ejus ornatum,
. Regnum coeli jam ingressus
Sibi praeparatum,
Nostros ad se regit gressus
Post hunc incolatum ;
V. Peregre Jacob egressus
Patris ad mandatum,
Deum vidit, sic professus
Vitae coelibatum.

Ad Laudes,
Antiphonae.

1. Adest dies laetitiae,

Quo transiit ex mundo
Flos dignitatis regiae
Cum fructu jucundo.

2. Angelorum choris
Defertur in jubilo
De valle moeroris
Sol egressus nubilo.

3. Luce vigil ad Dominum
Prudens et fidelis
Servus cum patre luminum
Jungitur in caelis.

4, Benedicant opera
Cuncta creatorem,
Qui dat super sidera
Regnum post laborem.

5. Laudes Deo concinit
Egressus exsilium,
Pressurae non meminit
Translatus in gaudium.

Ad Benedictus.

A. Benedictus Dominus,

Qui nobis erexit
Cornu, quod paulominus

A David dilexit ;
Hic virtute geminus

Rex in pace rexit,
Quem regendi terminus

Ad coelos direxit.