214 Acta Apostolicae Sedis - Commentarium Officiale

tantiores in Congregationis profectum opus esse vires comperiret, verum

humilitatis ac laetae benignitatis praebens exemplum litteras misit, quibus

ab officio recedendi propositum pandit, ut aliquid suum ad Opus per ora-

tionem et servitium tamquam pura mater afferret. In consecutos annos a

novae Moderatricis Generalis pepercit etiam sibi incommunicatis decretis.

Reliquos vitae suae annos, maternitatis cumulatim effundens sensum,

gaudio usquequaque dissito et comitatis amore animique coniunctione filia-

bus, quae iam ubique per variarum orbem terrarum dimanaverant, omnino

in acceptione proximi, compassione, silentio et oratione vixit.

Mulier eminentis maturitatis spiritualis, exemplar apostolicae sive laica-

lis sive consecratae vitae, Parmae intra moenia Domus Generalis in honorem

Sancti Lazari dicatae die 20 mensis Augusti anno 1980 in Domino requievit.

Sollemnes exsequiae in ecclesia Cathedrali Parmense immensa commo-

taque populi christifidelis concurrente multitudine celebratae sunt: e la-

biis multorum pro fluente verbo 'sancta', quia signo ornata erat simplicis

sanctitatis ex fide, intima cum Domino unione, apostolica sollicitudine et

suipsius oblivione informatae.

Hanc ob sanctitatis famam Causa Beatificationis et Canonizationis apud

Curiam Episcopalem Parmensem inita est per celebrationem Inquisitionis

dioecesanae a die 9 mensis Maii anno 1995 ad diem 26 mensis Novembris

anno 1996, cuius auctoritas et vis iuridica a Congregatione de Causis Sanc-

torum die 5 mensis Iunii anno 1998 probatae sunt.

Positione confecta, die 26 mensis Iunii anno 2012 in Congressu Pecu-

liari Consultorum Theologorum prospero cum exitu disceptatum est, iuxta

consuetudinem, an Serva Dei more heroum virtutes christianas exercuisset.

Patres Cardinales et Episcopi in Sessione Ordinaria diei 15 mensis Octo-

bris anno 2013, cui egomet ipse Angelus Cardinalis Amato praefui, professi

sunt Servam Dei virtutes theologales, cardinales iisque adnexas in modum

heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti-

tia, Temperantia et Fortitudine iisque adnexis in gradu heroico Servae Dei