Congregatio de Causis Sanctorum 213

ad missionem summopere aluerat et Missionaria Mariae ex Ordine Sancti

Francisci facta erat. Caelestina, deinceps, sese inter Oblatas ex Ordine

Sancti Benedicti consecravit et ad institutionem iuvenum pauperumque cu-

ram toto corde firmoque animo contulit. Praeter scholarum alumnos, alii

vero aderant iuvenes, qui eidem summopere cordi erant, filii praesertim

mercenariorum in arvis, quorum matres familiis civitatis inserviebant: iis

Caelestina cubicula quaedam in domo rustica sua reseravit atque conventus,

institutionis refectionisque obtulit occasiones. Eo insuper tempore permulti

in extremis Parmae vicis vivebant pauperes, sicut et egenorum mercena-

riorum familiae numerosae, quorum membra captivi vel vinolenti erant, his

omnibus Caelestina revera non modo quantum poterat opibus subveniebat,

sed etiam consilium hortamenque comparabat et consolationem.

Deo se consecrandi proximumque benigne et misericorditer excolendi

hoc modo perfecisse accipiebat vocationem. Nam, firma eius spiritualitas

primatui Christi et constantiae vitae liturgicae, cuius culmen sanctae Missae

erat participatio, et suipsius oblivioni et severae voluntatis Dei perquisitio-

ni innitebatur: quae omnia plurimam in eius apostolatus actuositatem ac

sollicitudinem rei socialis confluebant.

Eam iam fere quinquagenariam Patris Iacobi Spagnolo missionarii, atti-

git appellatio, ut operam in muliebri Congregatione Piae Societatis Sancti

Francisci Xaverii pro exteris missionibus seu Missionariorum Xaverianorum

a Sancto episcopo Guidone Maria Conforti fundatae istituenda cum eo con-

sumeret. Mensibus in oratione et intima perturbatione transactis quibusdam,

die 24 mensis Maii anno 1944 Caelestina tanto proposito operi consensit,

sibi admodum conscia se vere in omne genus humiliationum angustiarumque

adituram. Supernum prorsus tamen tantum fuit consilium illud, quo omnes

reluctationes divinae voluntatis requisitis firma ratione postposuit. Die 2

mensis Iulii anno 1950, vota religiosa perpetua emisit atque exinde opes

viresque et enixum suum matris amorem informandis iuvenibus desiderio ad

longinquas terras proficiscendi flagrantibus impendit puellis, quas ipsa in

primarum missionum initia in Civitatibus Foederatis Americae Septentriona-

lis, Brasilia et Africa comitata est. Anno 1955, Congregatio approbationem

Episcopi Parmensis et, anno 1964, Decretum Laudis obtinuit.

Die 24 mensis Septembris anno 1966, ineunte primo Capitulo Generali

Congregationis, cum valetudinem in dies infirmiorem sentiret ac praes-