Congregatio de Causis Sanctorum 203

ACTA CONGREGATIONUM

CONGREGATIO DE CAUSIS SANCTORUM

MEDIOLANENSIS

Beatificationis et Canonizationis Servi Dei Atilii Giordani Christifidelis Laici et Patris familias Salesiani Cooperatoris (1913-1972)

DECRETUM SUPER VIRTUTIBUS

« Gaudete in Domino semper. Iterum dico: Gaudete! Modestia vestra

nota sit omnibus hominibus. Dominus prope » (Phil 4, 4-5).

Servus Dei Atilius Giordani, cum, christifidelis laicus et pater familias,

operam pastoralem dederit assiduam ad iuvenes instituendos atque, Coope-

rator Salesianus et missionarius in Brasilianam plagam vulgo Mato Grosso,

multum foverit vocationes ad vitam consecratam eligendam, rebus terrenis

parvi habitis, virtutum specimine elucet pro Ecclesia et hominum civitate.

Qui, ex humilibus necnon piissimis parentibus ortus, Mediolani die 3 mensis

Februarii anno 1913 natus est. Cum in ludum litterarium adisset, scholas ad

artes pertinentes audivit. Iam puer crebro et assidue petivit Mediolanense

Oratorium, apud Ecclesiam Parochialem Sancti Augustini, quod Patres Sale-

siani moderabantur. Qui puero vitam et opera Sancti Ioannis Bosco eiusque

imitationem proponebant. Cum primum esset in Oratorio institutus, coepit

deinde curam in coetus adulescentium laete colendos tam firmiter impendere,

ut multos per annos, insistens vestigiis Ioannis Bosco eiusque institutoriae ra-

tioni aptae ad praecavendum, animo aequo et sincero, impiger fidei tradendae

catechista et iucundus educationis provehendae fautor esset. Atilius prorsus

vigore, alacritate studioque conspicuus erat in adulescentibus instituendis.

Quibus iugiter Christi Evangelium nuntiavit, cuius testimonium perhibuit animo

tam fecundo et tantis morum exemplis ut dignus fide ab omnibus probaretur.

Volventibus vero annis, Sodalitati Cooperatorum Salesianorum et Ac-

tionis Catholicae nomen dedit. Cum anno 1934 miles conscriptus esset,

in militia quoque exercenda se praebuit aequum beneficumque apostolum.