Congregatio de Causis Sanctorum 127

PADERBORNENSIS

Beatificationis et Canonizationis Ven. Servae Dei Mariae Teresiae Bonzel Funda- tricis Instituti Pauperum Sororum et Tertii Ordinis Sancti Francisci ab Adoratione Perpetua « de Olpe » (1830-1905)

DECRETUM SUPER MIRACULO

Venerabilis Serva Dei Maria Teresia (in saeculo: Regina) Bonzel in vico

v. d. Olpe in Germania die 17 mensis Septembris anno 1830 nata est. Tertii

Ordinis Sancti Francisci facta est sodalis, nomen sumens religiosum Mariae

Teresiae, ac dein in civitate sua natali in Vestfalia regione novae Fundationi

religiosae initium dedit, quae postea, dissensionibus et seiunctionibusque

superatis, sub nomine Congregationis Sororum Pauperum Sancti Francisci

ab Adoratione Perpetua valde profecit, continuo eucharistico cultui, pau-

perum derelictorumque infantium subsidio atque infirmorum curae domi

ministrandae peculiariter addicta. In difficillimis civilis cultus oppugnationis

adiunctis, vulgo Kulturkampf, quae annis 1872-1882 plurimum viguerunt,

Venerabilis Dei Serva aciem apostolatus missionalis Instituti extendere sta-

tuit et aliquas Sorores Lafayettopolim in Indiana dicione, ex Civitatibus

Confoederatis Americae Septentrionalis, misit. Congregatio ergo inter duas

despertita est Provincias, Germanicam seilicet et Americanam. Mense Fe-

bruarii anno 1903, Serva Dei signa infirmioris valetudinis ostendere cepit

et, mense Ianuarii anno 1905, gravissime aegrotavit. Post acerba tormenta

duas hebdomadas perducta, mane diei 6 mensis Februarii anno 1905, in

Olpe pie in Domino quievit. Summus Pontifex Benedictus XVI die 6 mensis

Februarii anno 2010 eam virtutes theologales, cardinales iisque adnexas in

modum heroum coluisse decrevit.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram Venerabilis Servae Dei inter-

cessioni tributam ac in civitate Colorati Fluminis Fontibus die 22 mensis

Februarii anno 1999 patratam sanationem pueri cuiusdam ab alvi diuturno

profluvio ex acutae intestini viralis inflammationis contagio. Puer, enim,

quattuor annos natus, aliquot iam mensibus aquoso ventri profluvio laborari

ceperat, quod iterum saepiusque cotidie acribus increscentibusque abdominis

molestiis comitantibus exhibebatur. Ex inspectionibus duobus hebdomadis