124 Acta Apostolicæ Sedis - Commentarium Officiale

mensis Augusti anno 1936, cum armigeri seditiosi eum deprehenderunt atque

in ecclesiam Cathedralem, tamquam carcerem ab ipsis adhibitam, adtule-

runt. Nocte inter dies 11 et 12 mensis Augusti cum aliis 245 in carcerem

Complutensem abductus est, sed cum tramen ferriviarium Matritum iam

appropinquabat, manipulus quidam armatorum prope collem Apeadero de

Santa Catalina vulgo nuncupatum inhibuit et 179 captivos illico interemit,

inter quos erant Episcopus Emmanuel Basulto cum sorore sua, affinis qui-

dam et Vicarius Generalis dioecesis, qui omnes die 12 mensis Augusti anno

1936 martyrium passi sunt.

- Felix Pérez Portela, presbyter, in eodem vico Adanero intra fines dioe-

cesis Abulensis die 21 mensis Februarii anno 1895 natus est. Doctrina

theologica ac iuris canonici peritia eminuit et ministerium sacerdotale sive

Matriti sive Giennii exercuit. Ineunte bello civili anno 1936, Vicarius Ge-

neralis erat dioecesis Giennensis. Episcopum suum assidue comitatus est

et, eodem die 12 mensis Augusti anno 1936 sanguine pro Christo effuso,

eiusdem etiam se sociavit martyrio.

- Franciscus Solís Pedrajas, presbyter, in vico Marmolejo die 9 mensis

Iulii anno 1877 natus est. Ministerium sacerdotale variis in paroeciis dioece-

sis Giennensis exercuit ac persollicitus fuit fundator et moderator Actionis

Catholicae. Parochus erat in vico Mancha Real, cum die 25 mensis Iulii anno

1936 comprehensus est et in ecclesiam Cathedralem Giennesem tamquam

in carcerem conclusus. Istinc aliis cum captivis die 4 mensis Aprilis anno

1937 in coemeterium de Mancha Real Servus Dei abductus atque inibi, dum

cantica pietatis modulabatur sociosque in sacrificium pro Christo suscitabat,

plumbis interfectus est.

- Franciscus López Navarrete, presbyter, in vico Villanueva del Arzobispo

die 2 mensis Martii anno 1892 natus est. Summa pauperum sollicitudine

suffultus, efficaciter vocationibus ad presbyteratum et ad vitam religiosam

conquirendis dedit operam et, mira pastorali navitate inflatus, mansuetudine

ac benignitate omnibus carissimus fuit. Persecutione contra Ecclesiam ineun-

te, parochus erat in vico Orcera. Die 28 mensis Augusti anno 1936 in vico

suo natali detentus est, cum imagines quae possidebat sacras prodere recu-

sasset. Post multos cruciatus, eodem die plumbis transfossus in loco vulgo

Venta de Porras nuncupato prope vicum Gútar palmam martyrii adeptus est.