4. Rosarium D. N. Iesu Christi
Auctore Iacobo Merlone Horstio.

Introductio.

1. Summe pater, o creator,
Iesu, clemens o salvator,
Spiritus o conservator,

Deus regens omnia,
Mundo precor corde praesta,
Nostra pro salute gesta

Recolam mysteria.

2. Iesu, matrem elegisti,
Et serpentem contrivisti

Germine virgineo,
Matris tuae me clientem
Ac materno confidentem

Fove patrocinio.

3. Iesu, coetus te sanctorum
Iuncti choris angelorum

Mundi laudant iudicem,
His cum laudes me promentem
Sed ob noxas metuentem

Clemens audi supplicem.

I.

Iesu, thronum maiestatis
Sumens formam vilitatis

Nostri causa deseris,
O fac, nobis ad salutem
Tantus amor det virtutem

Et nos iungat superis.

1. Iesu, virgo salutata
Te concepit fecundata

Spiritus per gratiam;
O fac, Deum te tremendum,
Casto semper amplectendum

Pectore, concipiam.

2. Iesu, mater te gestabat
Dum per montes festinabat

Visitans Elisabeth;
O si mater Dei digna
Iuncta prole tam benigna

Me frequenter visitet.

3. Iesu, mater praeter morem
Virgo parit te, dolorem

Nesciens puerpera;
Caritate, fac, perfecta
Flagret in te mens affecta,

Quam non frangant aspera.

4. Iesu, tui terrae fines,

Sed vix, caput quo reclines,

Mundo nascens invenis;
Ut quid ampla meditari
Vel terrenis gloriari

Mens praesumit hominis.

5. Iesu, natum te pastorum
Visit plebs, et angelorum

Canit vox laetitiam;
Tuae laudis fac amantem,
Ut aeternam tibi cantem
In excelsis gloriam.

6. Iesu, Deus et salvator,
Legi pares ut peccator

Circumcidi sustinens;
O fac, carnem, sensus vagos
Circumcidat, mores pravos

Mens superna sapiens.

7. Iesu, reges te dotantes,
Regem regum venerantes,

Vultu colunt cernuo;
Quam tot donis mihi datis
Vicem reddam caritatis?

En, me totum tribuo.

8. Iesu, legi se subdentes
Deo sistunt te parentes,

Nulla quos lex obligat;
O fac, mihi cor sit rectum,
Omnem semper quod affectum

Lege tua dirigat.

9. Iesu, neci te quaerentem
Regem fugis, saevientem

Caedibus infantiae'';
''Cunctos me fac declinare,
Qui me possent spoliare
Tuae vita gratiae.

10. Iesu, mater ut absentem
Dolens quaerit te dolentem,

Templo gaudens reperit'';
''Felix, qui te custodire
Vel amissum reperire

Mox quaerendo poterit.

n.

Iesu, fonte baptizaris,
Placens patri declararis,

Testis adest spiritus;
O si vitae salutari
Fonte laver, ut probari

Possem tibi penitus.

11. Iesu, postquam ieiunasti,
Quam potenter profligasti

Satanae versutias!
Ne fraus mala me confundat,
Fortis fide mens retundat

Daemonis nequitias.

12. Iesu, vocas piscatores
Et sequuntur te, doctores

Mox futuri gentium;
O fac intus te vocantem
Mox sequamur, sed cunctantem
Gressum trahe mentium.

13. Iesu, sponsos cohonestas,
Dum rogante matre praestas

Tinum praesens nuptiis;
Fac amicos ordinatis,
Te prae cunctis caritatis

Prosequar officiis.

14. Iesu, terras peragrando
Et ubique praedicando

Quanta fers incommoda!
Pro te frigus et sudorem,
Famem, sitim et laborem

Mente feram placida.

15. Iesu, zelo caritatis

Flagrans, O quot a peccatis

Reparas ad gratiam !
O si meos primum mores,
Dein curem peccatores
Tuam zelans gloriam!

16. Iesu, multas diu gentes
Te docentem sustinentes

Verbo, cibo recreas;
O si corpus conservante,
Sed cor magis confirmante

Cibo semper nutrias!

17. Iesu, doces, facis mira,
Sanas morbos, pellis dira,

Sed quid refers? odia;
Mente semper, fac, benigna
Bona praestem, nec maligna

Movear invidia.

18. Iesu, monte Tabor grandis
Maiestatis typum pandis

Dans praegustum gloriae'';
''O si vita nunc insonte
Feram celso tandem monte
Praemia victoriae!

19. Iesu, petis Solymorum
Urbem deflens tot malorum

Cladibus obnoxiam;
O si tui vis amoris
Mihi praestet vim doloris

Et malorum veniam !

20. Iesu, vili te vendentem
Cerno Iudam et prodentem

Deum pro pecunia;
Unum tui fac amorem
Esse mihi potiorem

Bona super omnia.

III.

Iesu, Deus et magister,
Lavas pedes ut minister,

Damnas arrogantiam'';
''Lava, precor, me sordentem
Et, quae forsan foedat mentem,

Elue superbiam.

21. Iesu, Pascha dum fecisti,
Tuis cibum te dedisti,

O stupenda caritas .
Panis vive, me conforta,
Ne me vincant fors adorta

Mundus, caro, Satanas.

22. Iesu, sanguinem sudabas
Orans horto, cum te dabas

Patris iu arbitrium;
O si cor des resignatum
Et quod semper sit paratum

Duci per imperium !

23. Iesu, lupis tradebaris,
Sed ut ovis ducebaris

Mox futurus victima;
Omnis expers sim rancoris
Sed affectum, fac, amoris

Cordis gerant intima.

24. Iesu, tractus per furentes
Tuos cernis fugientes;

Quis non tecum plangeret?
Fac adversis nos constantes,
Sic secundis non nutantes,
Nil a te nos separet.

25. Iesu, vinctus accusaris,
Quin et siles, dum culparis

Irae procul motibus Fac me linguam refraenare,
Sensus omnes castigare
Pravis ab affectibus.

26. Iesu, Petrus te negavit,
Sed flens crimen expiavit

Tuae vi clementiae'';
''O si nunquam te negarem
Vel me reum mox purgarem

Fletu paenitentiae !

27. Iesu, falso iudicaris,
Alba veste subsannaris,

Iudex summae gloriae;
Fac me nullum judicare,
Solum sciam me damnare

Vitae iudex propriae.

28. Iesu, dire flagellatus,
Pugnis, sputis es foedatus,

Purus omni vitio;
O quam dignus sum puniri!
Sed da poenis his muniri

Mortis a supplicio.

29. Iesu, spinis coronaris
Et illusus adoraris

Regens orbem nutibus;
O fac, zelo semper vero
Affectuque te sincero

Dignis colam laudibus!

Iesu, praeses te spectandum
Foras ducit, sed damnandum

Plebs dimittit Barrabam;
Absit, ducar hoc errore,
Ut tam dirae gentis more

Quidquam tibi praeferam.

IV.

Iesu, crucem dum portabas,
Heu, quara mole laborabas I

O si post te gradiar !
Eia, crucem fac tollendo
Et constanter te sequendo

Fructum cracis assequar.

31. Iesu, veste denudaris,

Sed, heu, quantum cruciaris

Causa verecundiae !
Fac me nunquam spoliari,
Qua nos decet peronari,

Veste pudicitiae.

32. Iesu, dire te distentum
Crucifigunt, O tormentum

Vitam praestans hominii
Absit mihi gloriari
Nisi lytro salutari

Et in cruce Domini.

33. Iesu, trina nomen lingua
Tibi ponit gens maligna

Laeto fulgens omine Precor, Iesu Nazarene,
Salva nos, nam pendet plene

Salus ab hoc nomine.

34. Iesu, patri pro tuorum
Culpa supplex fis tortorum,

Sic nos docens vincere;
Hostes amem, sed non ficte,
Zelo quaeram ne vindictae

Mala malis reddere.

35. Iesu, summi fons O boni,
Quam clementer das latroni

Paenitenti veniam!
Cor contritum mihi dona,
Ut hinc migrans tecum bona

Paradisi capiam.

36. Iesu, matrem commendabas
Et Iohannem, quem amabas,

In solamen mutuum;
Fac amborum mihi cura
Semper assit in pressura

Salus et auxilium.

37. Iesu, clamas voce tristi:
Utquid, pater, me liquisti?

O tormenta fortia!
A te nunquam derelinquar,
Ne tentatus forte vincar

Mortis in angustia.

38. Iesu, siti flagras totus,
Sed, heu, quales tibi potus

Gens propinat impia !
Memor potus tam amari,
O quam velim refraenari

Carnis desideria !

39. Iesu, culpam protoplasti
Morte luens consummasti

Redemptoris munia;
Cor amoris vi concepta
Ad implenda duc praecepta

Sanctaque consilia.

40. Iesu, vita dum migrabas,
Temet patri commendabas,

Heu, sol luget obitum;
Fac, extrema mortis hora
Meum tibi sine mora

Reddam gaudens spiritum.

V.

AdminBookmark

Iesu, nostros ob reatus
Insons durae morti datus,

Reis donas veniam;
O per sacrae mortis fructum
Fac, ne sequens carnis ductum

Mala morte peream.

O potens audi nos creator,
Audi, clemens o salvator,
Audi, sancte gubernator,

Deus meus et omnia;
Ora, dulcis o Maria,
Placa natum, mater pia,
Tu solamen sis in via

Ule salus [in] patria.

41. Iesu cor dum perforatur,
Fons amoris dilatatur

Corda rigans arida;
Salvatoris patent fontes,
Quid haurire vetat sontes

Aquas in laetitia?

42. lesu, cruce te pendentem
Cernens mater, heu, quo mentem

Sensit ense sauciam !
Gor da cruci sit adfixum,
Ut te Iesum crucifixum

Scire solum cupiam,
43. Iesu, tandem sepeliris
Et. aromate condiris,

Heu, quos inter gemitus!
In te meam sepeliri
Mentem praestes et condiri

Unctione spiritus.
44. Iesu, limbum spoliasti,
Dum captivos liberasti,

Triumphator nobilis;
O fac cunctis salvar malis
Nec inferni tam poenalis

Stringar unquam vinculis !
45. Iesu, victa resurgebas
Morte, maestis apparebas

Consolator cordium;
Fac, a morte vitiorum
Redivivus te decorum

Expers cernam sordium.

46. Iesu, comes queis ivisti
Petens Emaus, non fuisti

Cognitus a sociis'';
''O si fruar te praesente
Nec abducar unquam mente

Tuis ab eloquiis.
47. Iesu, caelos ascendisti
Et triumphans accepisti

Summum caeli bravium;
Ut et ego comprehendam,
Sic fac curram, ne offendam,

Per hoc mundi stadium.
48. Iesu, caelo paracletum
Mittens sacri gregis coetum

Sancto reples pneumate;
O per numen veritatis
Nostra reple pietatis

Pectora charismate!

49. Iesu, matrem exaltasti
Supra caelos et ornasti

Super omnes gloria;
O mi Iesu, me defende,
O de caelis huc intende,

Mater plena gratia.

50. Iesu, iudex es venturus
Et mercedem redditurus

Factis nostris similem;
Mitem te nunc in amore
Colam, ne tunc in furore
Sentiam terribilem.