Acta Apostolicae Sedis - Commentarium Officiale776

erga creationem habemus. Revelatio, dum Dei de mundo consilium nobis

manifestat, nos quoque inducit ut erratas hominis consuetudines reprehen-

damus, cum omnes res non agnoscit ut Creatoris signum, sed tantummodo

materiam licenter tractandam. Sic in homine essentialis deest illa humilitas,

quae sinit ut creationem tamquam Dei donum agnoscat, secundum Eius

consilium recipiendam et usurpandam. Insolentia e contrario hominis, qui

sic vivit perinde ac si Deus non esset, illuc fert ut exhauriatur et corrumpatur

rerum natura, cum in ea creantis Verbi opus non agnoscatur. Hoc in theolo-

gico prospectu, Patrum synodalium sententias in mentem revocare cupimus:

« Qui Verbum Dei suscipiunt, quod in sacris Scripturis et viva Traditione

Ecclesiae testimonio elucet, novum res conspiciendi modum acquirunt et

veram oecologiam promovent, quae radices agit imas in oboedientia fidei,

... per novos theologicos sensus quoad bonitatem omnium rerum, quae crea-

tae sunt in Christo ».352 Indiget homo novae institutionis de mirabilibus et

vera pulchritudine percipienda, quae in rebus creatis manifestatur.353

Dei verbum et culturae

Culturae pondus pro hominis vita

109. Ioannis nuntius ad Verbi incarnationem spectans artissimum vin-

culum patefacit, quod inter Verbum divinum et humana verba intercedit, per

quae nobis communicatur. Ex his considerationibus Synodus Episcoporum

de necessitudine inter Dei Verbum et culturam multum disseruit. Etenim

Deus non homini separatim posito revelatur, sed loquelam, imagines et signa

sumendo, quae cum diversis culturis copulantur. De fecunda agitur necessi-

tudine, quam magnopere Ecclesiae historia est testificata. Hodie argumen-

tum hoc nova specie distinguitur, quandoquidem varias intra culturas

diffunditur et solidatur evangelizatio atque occidentalis cultura proximis

superioribus temporibus magis crevit. Hoc prae ceteris praestantiam culturae

ut talis pro cuiusque hominis vita complectitur. Res culturalis enim, suis in

multiplicibus adspectibus, ad elementum constitutivum humanae experien-

tiae pertinet: « Homo continenter secundum culturam sibi propriam vivit,

352 Propositio 54. 353 Cfr. Benedictus XVI, Adhort. ap. postsynodalis Sacramentum caritatis (22 Februarii

2007), 92: AAS 99 (2007), 176-177.