Acta Benedicti Pp. XVI 737

sione nexuum inter lectiones utriusque Testamenti perpendendae sunt sub

luce lectionis canonicae, id est intrinsecae unitatis omnium Bibliorum. Ubi

deprehenditur necessitas, ibi congruae auctoritates possunt providere ut pu-

blici iuris fiant subsidia quae faciliorem efficiant intellectionem nexus inter

lectiones propositas in Lectionario, quae omnes coram plebe liturgica procla-

mandae sunt prout praescribit liturgia cotidiana. Quaedam aliae quaestiones

vel difficultates significentur Congregationi de Cultu Divino et Disciplina

Sacramentorum.

Insuper non est obliviscendum actuale Lectionarium ritus Latini frui

quoque momento oecumenico, quia adhibetur ac aestimatur etiam a confes-

sionibus plenam communionem cum Ecclesia Catholica nondum ineuntibus.

Diverso quidem modo praesentatur quaestio Lectionarii in liturgiis Ecclesia-

rum Catholicarum Orientalium adhibiti, cuius Synodus quaerit ut « auctori-

tative examini subiciatur » 203 secundum propriam traditionem atque faculta-

tes Ecclesiarum sui iuris, prae oculis habendo, hic etiam, oecumenica rerum

adiuncta.

Proclamatio Verbi et ministerium lectoratus

58. Iam in Coetu synodali de Eucharistia maior postulabatur cura de

Verbi Dei proclamatione.204 Sicut notum est, dum Evangelium proclamatur a

presbytero vel diacono, prior et altera lectio in ritu Latino proclamantur a

quodam lectore deputato, viro vel femina. Hic voces Patrum synodalium

colligere volumus qui etiam, his in adiunctis, in aspectum necessitatem pro-

tulerunt adhibendi idoneam formationem 205 ut lectoris munus in celebratione

liturgica rite exerceatur ac praesertim ministerium lectoratus, quod, qua tale,

in ritu Latino est ministerium laicale.206 Necesse est ut lectores ad hoc offi-

cium deputati, etiamsi hanc non susceperint institutionem, idonei sint et

diligenter praeparentur. Huiusmodi praeparatio sit oportet tam biblica et

liturgica, quam technica: « Institutio biblica eo tendere debet ut lectores

possint lectiones in proprio contextu comprehendere, et centrum nuntii

revelati lumine fidei intellegere. Liturgica institutio lectoribus praebere

debet facultatem aliquam percipiendi sensum et structuram liturgiae Verbi

203 Propositio 16. 204 Cfr. Benedictus XVI, Adhort. ap. postsynodalis Sacramentum caritatis (22 Februarii

2007), 45: AAS 99 (2007), 140-141. 205 Cfr. Propositio 14. 206 Cfr. Codex Iuris Canonici, cann. 230 § 2; 204 § 1.