Acta Benedicti Pp. XVI 739

quod annuntiat... se sinat primum compellari »,212 quoniam, ut ait sanctus

Augustinus, «Verbi Dei enim inanis est forinsecus praedicator, qui non est

intus auditor ».213 Accurate apparetur homilia pro diebus dominicis et pro

sollemnitatibus; sed ne in feriis quidem hebdomadae in Missis cum populo,

quando fieri potest, neglegenda est occasio breves offerendi considerationes,

accommodatas ad rerum adiuncta, quibus fideles adiuventur ad Verbum

auditum accipiendum et frugiferum reddendum.

Opportunitas Directorii homiletici

60. Praedicare modo accommodato ad Lectionarium vera est ars quae

est excolenda. Quapropter, obsequentes iis quae sunt postulata superiore in

Synodo,214 petimus ab expertis auctoritatibus ut, quatenus ad Compendium

eucharisticum,215 instrumenta etiam praeparent et subsidia apta quibus

ministri iuventur ad proprium munus melius explendum, sicut exempli

gratia Directorium de homilia, ita ut praedicatores in eo invenire valeant

utile auxilium quo ad ministerium exsequendum se praeparent. Prout

nobis memorat sanctus Hieronymus, praedicatio propriae vitae testimonio

est confirmanda: « Non confundant opera sermonem tuum, ne, cum in ecclesia

loqueris, tacitus quilibet respondeat: ''Cur haec ipse non facis?'' ... Sacerdotis

Christi mens osque concordent ».216

Verbum Dei, Reconciliatio et Unctio infirmorum

61. Eucharistia centrum haud dubie occupat vinculi inter Verbum Dei

et Sacramenta, attamen extollere iuvat momentum sacrae Scripturae in ce-

teris quoque Sacramentis, praesertim de sanatione: agitur nempre de sacra-

mento Reconciliationis seu Paenitentiae, ac de sacramento Unctionis infir-

morum. Relatio ad sacram Scripturam in his sacramentis saepe neglegitur.

Necesse est, e contra, ut ipsi locus concedatur qui ad eam pertinet. Etenim

minime est obliviscendum quod « Divinus Sermo est Verbum reconciliationis,

quia in ipso Deus in suam gratiam omnia iterum induxit (cfr. 2 Cor 5, 18-20;

212 Ibid. 213 Sermo 179, 1: PL 38, 966. 214 Cfr. Benedictus XVI, Adhort. ap. postsynodalis Sacramentum caritatis (22 Februarii

2007), 93: AAS 99 (2007), 177. 215 Congregatio de Cultu Divino et Disciplina Sacramentorum, Compendium eucharisticum

(25 Martii 2009), Città del Vaticano 2009. 216 Epistula 52, 7: CSEL 54, 426-427.