Acta Benedicti Pp. XVI 731

vitae Ecclesiae: « Verba sunt quibus Concilium qualificantem Ecclesiae aspec-

tum indicat: ipsa est communitas quae audit et annuntiat Verbum Dei.

Ecclesia non vivit de se ipsa, sed de Evangelio atque ex Evangelio semper

et iterum cursum extrahit in suo itinere. Annotatio est quam quisque

christianus accipere debet ac sibimet applicare: solum qui ante omnia immer-

gitur in Verbi auditionem, deinde ipsius praeco fieri potest ».179 In Verbo Dei

proclamato et audito et in Sacramentis, Iesus hodie, hic et nunc, unicuique

nostrum dicit: « Tuus sum Ego, me tibi trado »; ut homo accipere valeat et

respondere, ipseque vicissim dicere: « Tuus sum ego ».180 Ecclesia apparet

itaque ambitus in quo per gratiam experiri possumus quod sancti Ioannis

Prologus enarrat: « Quotquot autem acceperunt eum, dedit eis potestatem

filios Dei fieri » (Io 1, 12).

Liturgia praecipua Verbi Dei sedes

Verbum Dei in sacra Liturgia

52. Quandoquidem Ecclesia habetur tamquam « domum Verbi »,181 ante

omnia mens est vertenda ad sacram Liturgiam. Hic est enim praecipuus

ambitus in quo Deus nos alloquitur in praesenti nostrae vitae tempore,

loquitur hodie ad suum populum, qui audit et respondet. Omnis actio litur-

gica suapte natura sacra Scriptura imbuitur. Sicut affirmat Constitutio

Sacrosanctum Concilium, « maximum est sacrae Scripturae momentum in

liturgia celebranda. Ex ea enim lectiones leguntur et in homilia explicantur,

psalmi canuntur, atque ex eius afflatu instinctuque preces, orationes et car-

mina liturgica effusa sunt, et ex ea significationem suam actiones et signa

accipiunt ».182 Quinimmo, affirmandum est quod ipse Christus « praesens adest

in verbo suo, siquidem Ipse loquitur dum sacrae Scripturae in Ecclesia

leguntur ».183 Revera, « liturgica celebratio fit ipsius verbi Dei continua, plena

et efficax propositio. Verbum itaque Dei in Liturgia perpetuo propositum,

vivum et efficax iugiter est per Spiritus Sancti potentiam, ac operantem

manifestat Patris dilectionem in sua quoad homines efficacitate indeficien-

179 Benedictus XVI, Allocutio ad Conventum internationalem « La sacra Scrittura nella vita

della Chiesa » (16 Septembris 2005): AAS 97 (2005), 956. 180 Cfr. Relatio post disceptationem, 10. 181 Nuntius conclusivus, III, 6. 182 Conc. Oecum. Vat. II, Const. de sacra Liturgia Sacrosanctum Concilium, 24. 183 Ibid., 7.