Acta Apostolicae Sedis - Commentarium Officiale780

Hoc in rerum contextu intellegitur etiam valor inculturationis Evange-

lii.366 Ecclesia firmiter persuasa est de intrinseca facultate Verbi Dei omnes

humanas personas attingendi in culturali contextu in quo vivunt: « Persuasio

haec ex ipsis Bibliis provenit quae, inde a libro Genesis, universalem assu-

munt sensum (cfr. Gn 1, 27-28), quem servant deinde in benedictione cunctis

populis promissa propter Abraham eiusque descendentiam (cfr. Gn 12, 3;

18, 18) eundemque definitive confirmant, dum extendunt evangelizationem

''ad omnes gentes'' ».367 Quamobrem inculturatio non est permutanda cum

processibus superficialis accommodationis neque cum confusione syncretismi

quae minuit authenticitatem Evangelii quo facilius acceptabile reddatur.368

Genuinum paradigma inculturationis est ipsa Verbi incarnatio: « ''adcultura-

tio'' vel ''inculturatio'' realiter erit quaedam incarnationis Verbi imago, cum

cultura, transformata et regenerata ab Evangelio, sua in traditione efficit

originales vitae, celebrationis, christianae cogitationis expressiones »,369 cultu-

ram localem ab intus fermentando, existimando semina Verbi et omnia quae

in ipsa positiva inveniuntur, eam ad evangelicos valores aperiendo.370

Bibliorum versiones ac diffusio

115. Si inculturatio Verbi Dei pars est necessaria missionis Ecclesiae in

mundo, momentum decretorium huius processus est diffusio Bibliorum per

eximium opus versionis varios in sermones. Hac in re semper considerandum

est operam versionum Scripturarum « initium habuisse usque a temporibus

Veteris Testamenti, cum textus Hebraicus Bibliorum oretenus in Aramaicam

linguam conversus est (cfr. Ne 8, 8.12), ac serius, in scriptis in Graecanicum

sermonem. Nam versio semper est quiddam maius quam mera transcriptio

textus originalis. Transitio ex una in aliam linguam necessario implicat

commutationem contextus culturalis: conceptus non sunt iidem ac symbo-

366 Cfr. Propositio 48. 367 Pontificia Commissio Biblica, L'interpretazione della Bibbia nella Chiesa (15 Aprilis 1993),

IV, B: Ench. Vat., 13, n. 3112. 368 Cfr. Conc. Oecum. Vat. II, Decr. de activitate missionali Ecclesiae Ad gentes, 22; Ponti-

ficia Commissio Biblica, L'interpretazione della Bibbia nella Chiesa (15 Aprilis 1993), IV, B: Ench.

Vat., 13, nn. 3111-3117. 369 Ioannes Paulus II, Allocutio ad Episcopos Keniae (7 Maii 1980), 6: AAS 72 (1980), 497. 370 Cfr. Instrumentum laboris, 56.