98. (4. ) Oratio Vespertina.

1. Christe, decus mundi, qui lux es clara diesque Noctis tu tenebras illustrans detegis atras. Lucifer exoriens lumen de lumine profers, Vitam dignanter tribuis sine fine beatis.

2. Tu nos, omnipotens, clementer, sancte, precamur, Hostis ab insidiis defendas nocte dieque. Sit nobis in te requies; tu, conditor alme, Instantem fieri noctem largire quietem,

3. Ne gravis impediat noctis caligine somnus, Hostis subrepat nobis ne fraude maligna, Ne caro peccando fragilis consentiat illi Nosque reos statuat iusto sub indice Christo.

4. Gloria magna patri iugiter per saecula cuncta, Gloria summa patris nato sit semper in aevum; Spiritui amborum pariter sit gloria perpes, Gloria saeclorum per saecula sit trinitati.