Iohannes Peckham, Archiepiscopus Cantuariensis. d. 1292.
390. (1. ) De sanctissima Trinitate.
391. (2. ) De sanctissima Trinitate.
392. (3. ) De sanctissima Trinitate.
393. (4. ) De sanctissima Trinitate.
394. (5. ) De sanctissima Trinitate.
395. (6. ) De Corpore Christi.
396. (7. ) De Sacramento Altaris.
1. Philomena, praevia
temporis amoeni, Quae recessum nuntias
imbris atque caeni, Dum demulces animos
tuo cantu leni, Avis prudentissima,
ad me, quaeso, veni.
2. Veni, veni, mittam te,
quo non possum ire, Ut amicum valeas
cantu delinire, Tollens eius taedia
voce dulcis lyrae, Quem, heu, modo nequeo
verbis convenire.
6. De hac ave legitur,
quod, cum deprehendit Mortem sibi proximam,
arborem ascendit Summoque diluculo
sursum rostrum tendit Diversisque cantibus
totam se impendit.
7. Cantilenis dulcibus
praevenit auroram, Sed cum dies rutilat
circa primam horam, Elevatur altius
vocem in sonoram, In cantando nesciens
pausam sive moram.
3. Ergo, pia, suppleas
meum imperfectum Salutando dulciter
unicum dilectum Eique denunties,
qualiter affectum Sit cor meum iugiter
eius ad prospectum.
4. Quod si quaerat aliquis,
quare te elegi Meum esse nuntium,
sciat, quia legi De te quaedam propria,
quae divinae legi Coaptata mystice
placent summo regi.
5. Igitur, carissime,
audi nunc attente, Nam si cantum volucris
huius serves mente, Eius imitatio
spiritu docente Te caelestem musicum
faciet repente.
8. Circa vero tertiam
quasi modum nescit, Quia semper gaudium
cordis eius crescit, Fere guttur rumpitur,
sic vox invalescit, Et quo cantat amplius,
et plus inardescit.
9. Et cum in meridie
sol est in fervore, Tunc disrumpit viscera
nimio clamore, Oci, oci clamitat
illo suo more Sicque sensim deficit
cantus prae labore.
10. Sic quassatis organis
huius philomenae, Rostro tantum palpitans
fit exsanguis paene, Sed ad nonam veniens
moritur iam plene, Cum totius corporis
disrumpuntur venae.
11. Ecce, dilectissime,
breviter audisti Factum huius volucris,
sed, si meministi, Diximus iam primitus,
quia cantus isti Mystice conveniunt
legi Iesu Christi.
12. Restat, ut intellegas
esse philomenam Animam virtutibus
et amore plenam, Quae, dum mente cogitat
patriam amoenam, Satis favorabilem
texit cantilenam.
13. Ad augmentum etenim
suae sanctae spei Quaedam dies mystica
demonstratur ei, Porro beneficia,
quae de manu Dei Homo consecutus est,
horae sunt diei.
14. Mane vel diluculum
hominis est status, In quo mirabiliter
Adam est creatus; Hora prima, quando est
Christus incarnatus; Tertiam dic spatium
eius incolatus;
15. Sextam, cum a perfidis
voluit ligari, Flagellari, conspui,
dire cruciari, A ludaeis perfidis
nequiter tractari, Crucifigi denique,
clavis terebrari.
16. Nonam dic, cum moritur,
quando consummatus Cursus est certaminis,
quando superatus Est omnino zabulus
et hinc exturbatus; Vesperam, cum Christus est
sepulturae datus.
II. Cantus in Diluculo.
17. Diem istam anima
commorans in hortis Suae facit terminum
spiritalis mortis, Scandens crucis arborem,
in qua leo fortis Vicit adversarium
fractis mortis portis.
18. Statim cordis organa
sursum elevando, Suum a diluculo
cantum inchoando Laudat et glorificat
Deum replicando Ei, quam munificus
fuit hanc creando.
19. Pie, inquit, conditor,
quando me creasti, Quam sit tua pietas
larga, declarasti, Nam consortem gloriae
tuae cogitasti Facere gratuito,
gratis quam amasti.
20. 0 quam mira dignitas
mihi est concessa, Cum imago Domini
mihi est impressa, Sed crevisset amplius
dignitas possessa, Nisi iussum Domini
fuissem transgressa.
21. Nam tu, summa caritas,
tibi cohaerere Me volebas iugiter
sursumque habere Dulce domicilium
tecumque manere Et me velut filiam
alere, docere.
22. Ex tunc disposueras
me coadunare Caelicis agminibus
teque mihi dare, Sed pro tanta gratia
quid recompensare Possum, prorsus nescio,
nisi te amare.
23. Unica suavitas,
unica dulcedo, Cordium amantium
salutaris praedo, Totum, quidquid habeo
vel sum, tibi dedo, Denique depositum
meum tibi credo.
24. Oci cantat tale cor
gaudens in pressura, Dicens, quia dignum est,
ut a creatura Diligatur opifex
talis mente pura, Ei cum exstiterit
de se tanta cura.
III. Cantus ad Primam.
25. Sic mens hoc diluculum
transit meditando; Sed ad Primam transferens
vocem exaltando, Tempus acceptabile
pie ruminando, In quo venit Domiuus
carne se velando.
26. Tunc liquescit anima
tota per amorem, Pavida considerans
omnium auctorem Vagientem puerum
iuxta nostrum morem, Ut curaret veterem
servuli languorem.
27. Plorans ergo clamitat:
dic, fons pietatis, Quis te pannis induit
nostrae paupertatis? Tibi quis consuluit
sic te dare gratis, Nisi zelus vehemens,
ardor caritatis?
28. Digne zelus vehemens
est hic ardor dictus, Cuius est dominio
rex caelorum victus, Cuius sanctis vinculis
captus et constrictus Pauperis infantuli
pannis est amictus.
29. 0 praedulcis parvule,
puer sine pari, Felix, cui datum est
te tunc amplexari, Pedes, manus lambere,
de te consolari, Tuis in obsequiis
iugiter morari.
30. Heu me, cur non licuit
mihi demulcere Vagientem parvulum,
dulciter tenere, Illos artus teneros
sinu refovere Eiusque cunabulis
semper assidere.
31. Credo, pius parvulus
hoc non abhorreret, Immo more parvuli
forsan arrideret Nec se a pauperculo
tangi prohiberet Et petenti veniam
facile faveret.
32. Felix, qui tunc temporis
matri singulari Potuisset precibus
ita famulari, Ut in die sineret
semel osculari Suum dulcem parvulum
eique iocari.
33. 0 quam dulce balneum
ei praeparassem, 0 quam libens umeris
aquam adportassem, Praesto matri virgini
semper ministrassem Pauperisque parvuli
pannulos lavassem.
34. Sic affecta pia mens
sitit paupertatem, Cibi parcimoniam,
vestis vilitatem, Labor ei vertitur
in iucunditatem, Vilem esse saeculi
dicit venustatem.
IV. Cantus ad Tertiam.
35. Ergo sic infantiam
Christi recolendo, Horae primae canticum
strenue psallendo, Transitum ad Tertiam
facit recolendo, Quanta Christus passus est
homines docendo.
36. Tunc cum fletu recolit
illius labores, Sitim, famem, frigora,
aestus et sudores, Quae dignanter pertulit
propter peccatores, Dum illorum voluit
innovare mores.
37. Mox amoris facibus
tota concremata Oci, oci clamitat
avis haec beata, Mundo mori cupiens,
quia via lata, Ei foetet saeculi,
sic est delicata.
38. Clamat ergo: Domine,
dulcis praedicator, Exsulum refugium,
pauperum amator, Qui es paenitentium
pius consolator, Post te debet currere
iustus et peccator.
39. Iusto quippe regula
tua est doctrina, Peccatorum speculum,
vitae disciplina, Fessis et debilibus
efficax resina, Aegris et languentibus
potens medicina.
40. Primus in hoc saeculo
caritatis scholam Instaurasti, quaerere
docens Dei solam Gloriam, deponere
gravem mundi molam Et sic posse perditam
rehabere stolam.
41. Sed hanc scholam temere
mundus irridebat, Spernens et adnihilans,
quidquid promittebat; Tua vero bonitas
vices non reddebat, Immo paenitentibus
totum ignoscebat.
42. Quippe cui proprium
erat misereri, Diligi desiderans
magis, quam timeri, Ubera, non verbera
proferens austeri Praeceptoris noluit
more revereri.
43. Hoc in adulterio
novit deprehensa, Quam sit tua pietas
dulcis et immensa, Magdalena sensit hoc,
ei cum offensa Est dimissa, gratia
multiplex impensa.
44. Ut quid multa dicerem?
quotquot sunt secuti Eius magisterium,
a suis abluti Vitiis sunt, optimis
moribus imbuti Et ab hostis invidi
fraude facti tuti.
45. Felix, cui licuit
sub hoc praeceptore Conversari iugiter
et ab eius ore Mel caeleste sugere,
cuius prae dulcore Amarescunt cetera,
plena sunt foetore.
46. Haec et multa talia
dum mens meditatur, Ad reddendas gratias
tota praeparatur, Et laudando Dominum
magis inflammatur, Sicque horae tertiae
cantus terminatur.
V. Cantus ad Meridiem.
47. Oci, oci anima
clamat in hoc statu, Crebro fundens lacrimas
sub hoc incolatu, Laudans et glorificans
magno cum conatu Christum, qui tot pertulit
suo pro reatu.
48. In hac hora pia mens
ebria videtur, Sed circa meridiem
calor cum augetur, Ut amoris iaculo
tota perforetur, Mox ab illa passio
Christi recensetur.
49. Plorans ergo respicit
agnum delicatum, Agnum sine macula,
spinis coronatum, Lividum vulneribus,
clavis terebratum, Per tot loca corporis
totum cruentatum.
50. Tunc exlamat milies
oci cum lamentis, Oci, oci miseram,
quia meae mentis Turbat statum pallidus
vultus morientis Et languentes oculi
in cruce pendentis.
51. Quare sic decuerat,
inquit, te benignum Agnum mortis exitum
pati tam indignum? Sed sic disposueras
vincere malignum, Et hoc totum factum est
ad amoris signum.
52. Haec amoris signa sunt,
quae postrema primis Copulans associas,
summa iungens imis, Monstrans, quod sic moriens
nos amares nimis; Totum enim effluis
tot apertis rimis.
53. Tu amicus novus es,
tu es novum mustum; Sic te vocat sapiens,
et est satis iustum, Totus enim effluis
reddens dulcem gustum, Fundens carnis dolium,
licet vas venustum.
54. Tantis signis monitus
paenitens iam credat, Quod praecordialiter
Christus ei se dat; Ista signa recolam,
ne me Satan laedat, Nam peccati rabiem
nihil ita sedat.
55. Ista signa recolens oci, oci clamo, Dulcis Iesu, querula, quod te minus amo, Stringi tamen cupio disciplinae chamo, Sicut pro me captus es caritatis hamo.
56. Quasi hamum caritas
tibi praesentavit, Mori cum pro homine
te sollicitavit, Sed sub esca placita
hamum occultavit, Cum lucrari animas
te per hoc monstravit.
57. Te quidem aculeus
hami non latebat, Sed illius punctio
te non deterrebat, Immo hunc impetere
tibi complacebat, Quia desiderium
escae te trahebat.
58. Ergo pro me misera,
quam tu dilexisti, Mortis in aculeum
sciens impegisti, Cum te patri victimam
sanctam obtulisti Et in tuo sanguine
sordidam lavisti.
59. Quis miretur igitur,
si pro te suspiro, Iuncta sine meritis
tam zelanti viro? Nam affectum allicis
meum modo miro, Pro me vitam finiens
exitu tam diro.
60. Vere iam non debeo
tantum suspirare, Immo iuxta verbum Iob
carnem lacerare, In caverna lateris
nidum praeparare Et extremum spiritum
illic exhalare.
61. Plane, nisi moriar,
tecum non quiescam, Oci, oci clamitans
nunquam conticescam, Ab hoc desiderio
vere non tepescam, Quantumcunque plus in hoc
saeculo vilescam.
62. Tunc ut demens clamitat:
veniant lanistae, Qui adfigant miseram
cruci tuae, Christe; Erit enim exitus
dulcis mihi iste, Si complectar moriens
propriis ulnis te.
63. Vere sic, non aliter
rabies doloris, Qua cor meum singulis
terebratur horis, Deliniri poterit,
nisi tu, dulcoris Fons abundans, medicus
mei sis languoris.
64. Sane dulcis medicus
es, qui nunquam pungis, Sed a corde vitium
leniter emungis; Nam, quos tibi firmiter
per amorem iungis, Tuis charismatibus
semper eos ungis.
65. Heu, quam damnabiliter.
mundus est caecatus, Qui cum sit ab hostibus
dire vulneratus, Hunc detrectet medicum,
cum sit tam paratus, Languidis aperiens
suum dulce latus !
66. Heu, cur beneficia
Christi passionis Penes te memoriter,
homo, non reponis? Per hanc enim rupti sunt
laquei praedonis, Per hanc Christus maximis
te ditavit bonis.
67. Suo quippe corpore
languidum te pavit, Quem in suo sanguine
gratis balneavit, Post hoc suum dulce cor
tibi denudavit, Ut sic innotesceret,
quantum te amavit.
68. 0 quam dulce balneum,
esca quam suavis, Quae sumenti digne fis
paradisi clavis ! Ei, quem tu reficis,
nullus labor gravis, Licet sis fastidio
cordibus ignavis.
69. Cor ignavi siquidem
minime perpendit, Ad quid Christus suum cor
homini ostendit, Super alas positum
crucis nec attendit, Quod reclinatorii
vices hoc praetendit.
70. Hoc reclinatorium
quotiens monstratur Piae menti, totiens
ei glutinatur, Et sicut accipiter
totus inescatur Super carnem rubeam,
per quam revocatur.
71. Post hoc clamat anima
quasi dementata: 0 reclinatorium,
caro cruentata Per tot loca propter me,
cur non cruciata Tecum sum, dum moreris,
tibi colligata?
72. Quamvis tamen miserae
istud sit negatum, Mihi quendam eligam
novum cruciatum, Gemitum videlicet
iugemque ploratum, Donec mundi deseram
gravem incolatum.
73. Post haec dulcis anima
plus et plus fervescens Sensu tota deficit,
corpore tabescens Iam vix loqui sufficit,
sed affectu crescens Suo lecto recubat
utpote languescens.
74. Ergo dulcis gutturis
organo quassato, Lingua tantum palpitans
sonitu sublato, Sed pro verbis pia mens
fletu compensato Lamentatur Dominum
corde sauciato.
75. Sic languenti siquidem
nil nisi plorare Potest satisfacere,
sive suspirare; Suos enim oculos
nequit revocare A Christi vulneribus
aut cor separare.
76. Sic est autem animus
illius illectus, Quasi ei praesens sit
moriens dilectus, Nec a cruce Domini
retrahit aspectus, Quia ibi oculus,
ubi est affectus.
77. Gemitus, suspiria,
lacrimae, lamenta, Sibi sunt deliciae,
cibus, alimenta, Quibus nova martyr est
iugiter intenta, Suoque martyrio
praebent incrementa.
VI. Cantus ad Nonam.
78. In hoc statu respuit,
quidquid est terrenum, Mundique solacium
reputat venenum, Sed ad Nonam veniens
moritur ad plenum, Cum amoris impetus
rumpit carnis frenum.
79. Nam cum Consummatum est
recolit clamasse Hora nona Dominum
et sic exspirasse, Quasi simul moriens
clamat penetrasse Vocem istam suum cor
atque lacerasse.
80. Ferre tandem impotens
iaculum tam forte, Moritur, ut dictum est,
sed felici morte; Nam panduntur protinus
ei caeli portae, Dignam ut intellegat
se sanctorum sorte.
81. Requiem pro anima
tali non cantamus, Immo est Introitus
missae Gaudeamus, Quia, si pro martyre
Deum exoramus, Ut decretum loquitur,
ei derogamus.
82. Eia, dulcis anima,
eia, rubens rosa, Lilium convallium,
gemma gratiosa, Cui carnis exstitit
foeditas exosa, Felix tuus exitus
morsque pretiosa.
83. Felix, quae iam frueris
requie cupita, Inter sponsi brachia
dulciter sopita Eiusque spiritui
fortiter unita, Ab eodem recipis
oscula mellita.
84. Iam quiescant oculi,
cesset aquaeductus, Nam ex parte percipis
spei tuae fructus, Quia, per quem saeculi
evasisti fluctus, Tuos inter oscula
consolatur luctus.
85. Dic, dic, dulcis anima,
ad quid ultra fieres? Habes caeli gaudium
tecum, et lugeres? Et si velles amplius,
certe non valeres, Quia salus omnium
est, cui adhaeres.
86. Sed iam metrum finio,
ne sim taediosus, Nam si vellem scribere,
quam deliciosus Sit hic status animae
quamque gloriosus, A malignis dicerer
fallax et mendosus.
87. Quidquid tamen alii
dicunt, frater care, Istam novam martyrem
libens imitare, Dumque talis fueris,
Christum deprecare, Ut nos cantus martyris
doceat cantare.
15, 5
bis 8 lauten in FGHKM:
Crucifigi denique, clavis terebrari Caputque sanctissimum spinis coronari.
Nach 15, 8 in L:
Pendens cum latronibus tandem lanceari.
52, 5 bis 8 lauten in D:
Dum te totum funderes tot apertis rimis, Ut et me virtutibus reficeres opimis.
Nach Str. 84 schiebt L ein:
Cum ad plenum taedia cessabunt malorum, Cum coniuncta fueris choris angelorum, Ubi salus gaudii durat, fons bonorum, Ibique in domino eris dominorum.
Nach Str. 85 schiebt L folgende Strophen ein:
Sed hora dimidia
vix hic tam laetaris, Cito, heu, impelleris
fluctibus amaris, Seiuncta ab oculis
viatori caris, Mundo, carne, daemone
nam saepe turbaris.
Vitam tandem mortuam
inde condolendo, Pro tuis defectibus
hoc esse credendo, Vide matrem virginem
astare lugendo, Sed et multos alios
Dominum deflendo.
Post hoc Ioseph conspice
ire ad Pilatum, Domini deposcere
corpus sibi gratum, Ad crucem accedere
virum tam beatum Et corpus deponere
totum vulneratum.
Parans murram, sindonem
Lugens contemplare Magdalenae lacrimas
Et collacrimare, Nicodemi gemitus
gemens recordare, Haec et his similia
tractans lamentare.
Dulcemque Dei filium
supplex memorare, Eius actus ruminans
tuosque, narrare Actus, verba satage
menteque mundare Atque soli ocius
castum te servare.
In praedicto cantico
cor sic citharizet, Se baptizet lacrimis,
planctu martyrizet Crebrisque suspiriis
nunc sic organizet, Ut cum Christo postea
semper sollemnizet.
87, 1 bis 5 lauten in EFGH:
Sed tu, cui volui, metrum destinare, Soror, novam martyrem libens imitare,
Mit Str. 87 schliefsen die englischen Hss. mit Ausnahme von E; ebenso IL.
FGHM fugen nach Str. 87, E vor derselben, noch folgende drei Strophen bei:
88. Frequentemus canticum
istud, soror pia, Ne nos frangat taedio
vitae huius via, Nam laetantem animam
in hac melodia Post hanc vitam suscipit
Iesus et Maria.
89. Ergo, soror, tuum cor
ita citharizet, Se baptizet lacrimis,
planctu martyrizet, Christo totis viribus
sic nunc organizet, Ut cum Christo postea
semper sollemnizet.
90. Tunc cessabunt gemitus
planctuum, dolorum, Cum adiuncta fueris
choris angelorum, Nam cantando transies
ad caelestem chorum, Nupta felicissime
regi saeculorum.