392. (3. ) De sanctissima Trinitate.

Ad Nocturnum.

1. 0 lux beata trinitas, Tres unum, trium unio, Imperialis unitas In trium contubernio.

2. 0 pater innascibilis

Natura semper pullulans, Pondus rei vertibilis Verbo virtutis baiulans.

3. 0 verbum in principio, Paternae splendor gloriae, Tu conditorum ratio, Lux cordium, fons veniae.

4. 0 amor, sancte spiritus, Concordiae spiraculum, Summi dulcoris halitus, Pax, foedus, fructus, osculum.

5. Pater gignit imaginem Aequatam sibi penitus, Solamque per originem Ab ipsis differt spiritus.

6. Tres unum Deum credimus, Unam trium essentiam, Tribus unam impendimus Honoris reverentiam.

Str. 1

lautet abweichend in B:

O lux, beata trinitas Et vita semper radians, Tu principalis unitas, Cuncta, quae sunt concilians.