Prophetiae aliquot b. patris Francisci.

 Proph. I. Se religionem minorum fundaturum et sibi eam desponsaturum.

 Proph. II. Magnum se multorum principem fore.

 Proph. III. Pauperum amatorem et patriarcham fore.

 Proph. IV. Se per totum mundum respiciendum.

 Proph. V. Sacellum sancti Damiani Clarissarum futurum coenobium.

 Proph. VI. Minorum familiam multiplicandam.

 Proph. VII. Deum pro totius mundi profectu fratres minores misisse.

 Proph. VIII. Pauperum hospitalitatem Deo gratam.

 Proph. IX. Poenam in peccata relabentis esse graviorem.

 Proph. X. Virum quemdam suae mulieri reconciliandum, et nunc esse tempus clementiae, postea aequitatis.

 Proph. XI. Singularitatem et hypocrisim in religioso malam esse et perniciosam.

 Proph. XII. Cardinalem Ostiensem in Papam assumendum.

 Proph. XIII. Ordinum apostatas male interire.

 Proph. XIV. Magnum in ecclesia schisma et tribulationem futuram.

 Proph. XV. Superbiam et fastum religionibus perniciosum, et fratrem Eliam extra ordinem moriturum.

 Proph. XVI. Sanctorum meritis multoties Deum a puniendis peccatoribus se coercere.

Proph. III. Pauperum amatorem et patriarcham fore.

Dum semel domina Pica, sancti viri genitrix, sterneret illi mensam, jam a primordio suae conversionis ad Christum Franciscus panes plures apposuit. A matre percontatus, cui tot panes apponeret in mensa, cum pauci essent commensales? respondit:,, Pauperibus. " Ubi sunt? ait mater. " In pectore, " inquit, " meo latent. "