190. De sancto Michaele.

1. Ad celebres,

rex caelice, laudes cuncta

2. Pangat nunc canora
caterva symphonia

3. Odas atque solvat
contio tibi nostra,

4. Cum iam renovantur
Michaelis inclita
valde festa,

5. Per quae laeta bunda
perornatur machina
mundi tota.

6. Novies distincta

pneumatum sunt agmina
per te facta;

7. Sed, cum vis, facis haec
flammea per angelicas
officinas.

8. Inter primaeva

sunt haec nam creata tua,
cum simus nos ultima
factura, sed imago tua.

9. Theologica

categorizant symbola
nobis haec ter tripartita
per privata officia:

10. Plebs angelica :

phalanx et archangelica, prin-
turma, virtus uranica [cipans
ac potestas almiphona,

.1. Dominantia

numina divinaque subsellia,
Cherubim aetherea
ac Seraphim ignicoma.

12. Vos, o Michael, caeli satrapa,
Gabrielque vera dans verbi
[nuntia,

13. Atque Raphael, vitae vernula,
transferte nos inter paradisicolas.

14. Per vos patris cuncta
complentur mandata,
quae dat
Eiusdem sophia,
compar quoque pneuma,
una

permanens in usia;
Cui estis administrantia
Deo milia milium sacra.

15. Vices per bis quinas
bis atque quingenta
dena

Centena millena
assistunt in aula,
ad quam

rex ovem centesimam
Verbigena drachmam que decimam
vestra duxit super agalmata.

16. Vos per aethra,
nos per rura terrea
Pars electa
harmoniae vota
demus hyperlyrica cithara,

17. Quo post bella
Michaelis inclita
Nostra Deo
sint accepta auream
super aram que thymiamata,

18. Quo in coaeva iam gloria

19. Condecantemus Alleluia.