116. (9. ) Ad Deum Precatio.

0 Deus omnipotens, nostrae spes sola salutis, Exaudire preces famuli super omnia clemens Atque mei cordis tenebras depelle malignas, Ut lux alma queat venas intrare fatentes. 5 Da lacrimas oculis, placidos da pectore sensus, Da veniam, Christe, sceleratis da, rogo, gestis, Da spem perpetuae famulo mitissime vitae. Tu mihi certa salus, dominus, rex, vita, potestas, Ad te confugio et supplex tua munera posco,

10 Ut me defendas clementer ab hoste maligno Inspiresque tuum durato pectore amorem Inque vias laetum facias me pergere rectas, Ne me fluctivagi teneant mala gaudia mundi, Nec scelerum rapiat memet per crimina vortex,

15 Sed tua dextra suum servum comitetur ubique, Ut laudes laeti tibimet dicamus ubique.