108. (1. ) Hymnus ad Deum.

1. Te homo laudet, Alme creator, Pectore, mente Pacis amore, Non modo parva Pars quia mundi est,

2. Sed tibi, sancte, Solus imago Magna, creator, Mentis in arce Pectore puro Dum pie vivit.

3. 0 Deus et lux, Laus tua semper Pectora et ora Compleat, ut te Semper amemus, Sanctus, ubique.

4. Haec pia verba, Virgo fidelis, Ore caneto, Ut tua mitis Tempora Christus Tota gubernet.

5. Te cui castam Corpore, mente Dirige templum, Dulcis amica, Et sine semper Fine valeto.

6. Qui tibi solus Sit, rogo, semper Lux, amor atque Forma salutis, Vita perennis, Gloria perpes.