XLI.

Dominica decima tertia post festum Trinitatis,

ORATIO.

''Beati oculi qui vidcnt qvae vos videtis .

Domine Jesu Christe, qui per visionem contemplationis, et tranquillitatem religionis discipulos tuos praegustare facis initium aeternae claritatis et pacis: ut in praesenti secundum quid, et in futuro simpliciter sint beati: quod multis potentibus multisque prudentibus saeculi negatur, qui Deum videre quaerunt per curiositatem, surgunt per superbiam, tentant per nequitiam, justificant se per simulationem, Scripturam de recte vivendo consulunt et intelligunt, sed non faciunt dum proximum ignorant : custodi nos descendentes de studio contemplationis ad exercitium bonae actionis, ne incidamus in latrones quinque sensuum appetitus, ne spoliemur gratuitis, ne vulnerenmur in naturalibus. Sacerdos et levita, superior et inferior portio rationis, non descendant eadem via consentiendo in peccatum, sed potius per contemplationem ascendant. Samaritanus vero gratia praedestinationis iter faciens nobiscum secus nos appropiet, nobis liget vulnera nostra, fluxum concupiscentiae restringendo pannis humi- litatis tuae, infundens oleum spem veniae, et virium timorem justitiae : imponat in jumentum, ordinando rationem supra sensualitatem: ducat in stabulum in consideratione peccatorum: altera die spei det duos denarios poenitentiae, gaudium scilicet dolori, et quietem labori : vel altera die resurrectionis stolam corporis et anima?, vel cognitionem divinitatis et humanitatis tuas. Amen.