XXXII.

Dominica quarta post festum Trinitatis,

ORATIO.

''Estote misericordes sicut et Pater misericors est .

Domine Jesu Christe, qui propter communem utilitatem, propter damnum singularitatis vitandum, et propter infirmitatem nostram sublevandam, docuisti nos imitari misericordiam Patris tui, quae maxime assimilat nos Deo, quae excellit in omnibus operibus ejus, quam praecipue requirit a nobis, quae nobis est via ad misericordiam ipsius, et quas reddetur in praemium : ejice ab oculo intentionis trabem ambitionis cujuslibet peccati mortalis, ne per caecitatem humani judicii cadamus in foveam et laqueum diaboli, sed potius in misericordia qua mensi fuerimus proximis remetiatur et nobis secundum genus et qualitatem, non secundum defectus proximi nostri, incommensurabilem proportionem. Amen.