Acta Apostolicae Sedis - Commentarium Officiale162

ac potuimus asseverare ipsi: « Praecipuum prae se fert opus momentum pro

hominis perfectione societatisque progressione; quocirca illud semper ordinari

decet et procurari plena cum dignitatis humanae observatione ac boni com-

munis curatione. Pernecessarium tamen simul est ne se homo vinciri opere

sinat neve id percolat ibidem arbitratus invenire se postremum decretorium-

que vitae sensum ».209 Suae namque vitae atque industriae operariae signifi-

cationem comprehendit homo die ipso Deo consecrato.210

Dominicales congressus absente sacerdote

75. Celebrationis dominicalis detecto impulsu in christianorum vitam,

suapte sponte quaestionem quis imponit iis de christianis communitatibus

quibus presbyter deest et celebrari ideo Sanctam Missam haud Domini die

licet. Qua in re necesse addere est condiciones valde inter se diversas reperiri.

Suasit in primis Synodus fidelibus ut sacram se ad dioecesis aedem confer-

rent, ubi praesens promitteretur sacerdos, etiam id cum aliquam iacturam

secum inferret.211 Ubicumque vero maiora locorum intervalla denique tandem

Eucharistiae dominicalis participationem fieri minime sinunt, magni interest

christianas se congregare communitates nihilo minus ut Dominum collaudent

eiusque memoriam renovent die Ipsi dicato. Quod tamen evenire debet con-

gruam post educationem de discrimine inter Sanctam Missam atque conven-

tiones dominicales sacerdote carentes. Pastoralis Ecclesiae sollicitudo hoc in

casu declaretur curando ut Verbi liturgia, composita sub diaconi moderatione

vel alicuius legati communitatis cui ab auctoritate idonea illud est rite com-

mendatum ministerium, secundum ritum quidem proprium a Conferentia

episcopali enucleatum huiusque rei causa probatum.212 Commonemus simul

Ordinariorum esse facultatem tribuere sacram Synaxim eiusmodi in liturgiis

partiendi, opportunitate diligenter alicuius electionis ponderata. Sic insuper

faciendum est ut tales conventus confusionem de praecipuo sacerdotis mu-

nere non pariant atque sacramentali elemento in Ecclesiae vita. Gravitas

partium quas laici gerunt, quibus merito sunt gratiae referendae pro ma-

gnanima eorum actuositate in communitatum christianarum commodum,

209 Homilia (19 Martii 2006): AAS 98 (2006), 324. 210 Opportune animadvertit hac de re Compendium socialis doctrinae Ecclesiae, 258: « Homini

operis necessitate legato quies pandit libertatis plenioris exspectationem, nempe sabbati aeterni

(cfr Heb 4, 9-10). Sinit enim otium homines meminisse atque vivere iterum Dei opera, a creatione

usque ad redemptionem, seque ipsos agnoscere veluti ipsius opera (cfr Eph 2, 10), gratias illi

reddere de propria vita ac sustentatione cuius is est auctor ». 211 Cfr Propositio 10. 212 Cfr ibidem.