187. (4. ) Versus ad Processionem.

R. Votis supplicibus voces super astra feramus, Trinus ut et simplex nos regat omnipotens.

1 Sancte pater, iuva nos, Sancte fili, salva nos, Compar his et spiritus, Ungue nos intrinsecus.

2. Sancta virgo virginum, Stella maris, Maria, Tu pro nobis filium Ora, Christum Dominum.

3. Summae sedis minister, Quis ut Deus, Michaei, Cum supernis civibus Sis nobis propitius.

4. Praeco Christi Iohannes, Agni Dei ostensor, Redemptoris baptista Tu nos Deo commenda.

5. Sancte Petre ac Paule Cunctique apostoli, Vos orate pro vestris Christianis populis.

6. Iuncti sancto Stephano Universi martyres, Estote auxilio Populo catholico.

7. Sancte Galle, succurre, Sancte Ottmare, subveni, Nos cum confessoribus Adiuvando precibus.

8. 0 martyr Felicitas Cohors atque virginum, Postulate pro nobis Maiestatis Dominum.

9. Omnes sancti Domini, Angeli et homines, Vos ad aures divinas Ferte preces sedulas.

10. Ut nobis remissio Peccatorum donetur, Aeris temperies Terraeque fertilitas.

11. Pacem nobis imploret Vestra intercessio, Sanitatem corporum Et perenne gaudium.

12. Ut famem et morbi vim Amovere dignetur Omnipotens Dominus, Obtinete precibus.

13. Ut saeviens gladius Et paganus populus Depellatur a nobis, Te rogamus, Domine.

14. Ut pastorem tueri

Nostrum velis et clerum, Omnes simul oramus, Iesu Christe, audi nos.

15. Ut rex noster Chuonradus Eius et exercitus Hinc et inde servetur, Oramus, Christe, audi nos.

16. Ut cruore redemptum Pretioso populum Conservare digneris, Oramus, Christe, audi nos.

17. Animas catholicas In aeterna requie Confoveri iubeas, Oramus, Christe, audi nos.

18. Omnes tibi canimus, Universi clamamus Vocibus et cordibus: Oramus, Christe, audi nos.

19. Oramus, Christe, audi nos, Christe, Christe, audi nos; Kyrie, eleison, canimus, Christe, eleison, psallimus.

5, 2 Cunctisque apostolis D.

5, 3 pro cunctis BEF; Implorate pro nobis D.

5, 4 Maiestatis Dominum D.

Vor Str. 6 schiebt C ein:

Martyr Christi, Theodole Patroneque Albane, Fune(?) vinctis mentis Nos solvite criminibus.

Statt Strophe 6 haben

D:

Protomartyr Stephane Omnes atque martyres, Vos orate pro cunctis Plebibus catholicis.

F:

O praesul sancte Emmerame Et omnes martyres, devote Estote in auxilio Populo catholico.

Vor Str. 7 schiebt C ein:

Obodarde confessor Martineque pariter, Nos cum confessoribus Adiuvate precibus.

Statt Strophe 7 haben:

D:

Sancte pater Philippe Pirminique, pariter

Nos cum confessoribus Adiuvate precibus.

F:

0 Benedicte, pater pie, Sancte Galle, doctor bone, Nos cum aliis confessoribus Adiuvate precibus.

8, 1 Et martyr D.

8, 2 Et virginalis castitas F.

8, 3 Postulate pro nostris F.

8, 4 Iesum Christum peccatis F.

Str. 9 lautet in

D:

Omnes sancti Domini Angeli et homines, Commendate populos Domino catholicos.

F:

Omnes sancti Dei, Nos exaudire dignemini Et ad aures divinas Ferte nostras miserias.

Str. 10 ff. fehlen F. - 10, 3 temperiem C. - Str. 11 lautet in BCD:

Ut pacis tranquillitas Corporumque sanitas A Christo detur nobis, Obtinete meritis.

Str. 19

lautet in BCD:

Christe, Christe, audi nos,

Kyrie, eleison, canimus,

Christe, eleison, canimus (psallimus C),

Iesu pie, audi nos.