186. (3. ) Tersus ad regem suscipiendum.

1. Imperatorum genimen potentum, Macte regnorum novitate mira, Semper antiquis famulis benigne Rex, miserere.

2. Franciae reges micuere patres Fulgidi regis Karoli per orbem, Nec minus matres Alemanna tellus Misit honoras.

3. Hic domus, hac est patria creatus Fautor Otmarus benedictus abba, Gallus ex Scottis veniens beavit Omnia nostra.

4. Barbaros terrens proprios foveto, Cum quibus omnes Orientis artes, Immo quadrati superabis arvi Summa vel ima.

5. Iuris et pacis moderator aequus, Temperans, fortis vigeas per omne Tempus hic degens, super astra caeli Hinc abiturus.