185. (2. ) Tersus ad regem suscipiendum.

Rex benedicte, veni, visens habitacula Galli,

Otmari tectis accipiende sacris. Istud sanctorum concludit milia templum,

Quam subiens aedem experiaris opem. 5 Iugiter ista suis te servet turba sub alis,

Cuius reliquias haec tenet aula pias. Francia te Suevis, o rex, direxit alendis,

Iam pecuare tuum pasce diu viduum. Noricus et Sclavus, Bemanus, Saxo, Toringus 10 Corde manent alacri te dominante tui. Occiduae gentes, Hispania, Gallia triplex

Se studeant propere sub tua sceptra dare. Italiae populus diverso sanguine mixtus

Ad te pigmentis palliolisque ruat. 15 Ebrus, Thermoodon, Thrax, Nuchul, Bosforus, Ufens

Sumant maxillis iam tua frena suis. Hos inter populos nostri miserere, monarchos,

Commonitus fido a Salomone tuo. Fias placatus nobis maneasque misertus, 20 Quos stirps Scottorum suasit in hanc eremum.