70. (5. ) Sabbato Sancto.

1. Tibi laus, perennis auctor, Baptismatis sacrator, Qui sorte passionis Das praemium salutis.

2. Nox clara plus et alma Quam luna sol vel astra, Quae luminum corona Reddis diem per umbram,

3. Dulcis, sacrata, blanda, Electa, para, pulchra, Sudans honore mella, Rigans odore chrisma,

4. In qua redemptor orbis De morte vivus exit Et, quos catena vinxit, Sepultus ille solvit.

5. Quam Christus aperuit Ad gentium salutem, Cuius salubre cura Redit novata plasma.

6. Accedite ergo digni Ad gratiam lavacri, Quo fonte recreati Refulgeatis agni.

7. Hic gurges est fidelis Purgans liquore mentes, Dum rore corpus udat, Peccata tergit unda.

8. Gaudete candidati, Electa vasa regni, In morte consepulti, Christi fide renati.