▾
AnHym Author, Analecta Hymnica – XIV A. Hymnarius Severinianus
⎗←→⎘
▾
XIV a. HYMNARIUS SEVERINIANUS.
15. In s. Johannis Evangelistae.
16. In s. Johannis Evangelistae.
17. In s. Johannis Evangelistae.
18. In s. Johannis Evangelistae.
19. In s. Johannis Evangelistae.
28. In ss. Juliani et Basilissae.
29. In ss. Juliani et Basilissae.
73. In Dedicatione s. Michaelis.
74. In Dedicatione s. Michaelis.
75. In Dedicatione s. Michaelis.
76. In. Dedicatione s. Michaelis.
77. In Dedicatione s. Michaelis.
78. In Dedicatione s. Michaelis.
79. In Dedicatione s. Michaelis.
89. In Nativitate s. Johannis B.
112. In Decollatione s. Johannis B.
115. In ss. Cosmae et Damiani.
116. In ss. Cosmae et Daniiani.
117. In ss. Placidi et Sigiberti.
118. In ss. Placidi et Sigiberti.
119. In sancti Justi Martyris.
120. In Festo Omnium Sanctorum.
121. In Festo Omnium Sanctorum.
123. De sanctissima Trinitate.
125. In Dedicatione s. Salvatoris.
131. In Dedicatione Ecclesiae.
132. In Dedicatione Ecclesiae.
131. In Dedicatione Ecclesiae.
1. Insigne sanctum tempus acceptabile,
Adsunt salutis dies venerabiles,
Plenis olivo sponso cum lampadibus
Curramus omnes obviam palmifero
Mundi superbo superato principe.
2. Caste pieque vivamus ac sobrie
Soli tremendo servientes Domino,
De corde puro totisque praecordiis
Laudes feramus Trinitati unicae,
Quae nos redemit pretioso sanguine.
3. A paradisi laetabundis gaudiis
Nos traxit olim ciborum cupiditas,
Portas polorum dulcedo gluttifera
Clauserat alta dispensante gratia,
Quae nos reduxit ad coelorum limina.
4. Nos laeta caro traxit de paradiso,
Misit in hujus saeculi exsilium,
In lacrimarum valle delitescimus,
Diris ligati peccatorum vinculis ;
Afflicta modo reducat ad sidera.
5. Jejuniorum sunt sacrata tempora,
In quibus hostis bellum movet invidus,
Ne sanctitatis cumulentur merita,
Tentationum infigit aculeos,
Quos sola sedat singularis bonitas.
6. Parcitas vincit vitiorum agmina
Divinitatis suffragante gratia,
Resistit irae, abdicat libidinem,
Dat castitati triumphale praemium,
Cingit corona virginalem verticem.
7. Moyses, electus Domini tirunculus,
Montis sub antro quadraginta dierum
Jejuniorum consecravit ferias,
Ut possit almo legem scriptam digito
Sancta sub aura leniter suscipere.
8. Propheta sanctus, Helias abstinuit
Continuatis totidemque diebus,
Jonas dicavit triduani temporis
Ninivitarum celebre jejunium,
Detersit omne criminis piaculum.
9. Fons pietatis, infinita bonitas,
Suscepta carne quadraginta diebus
Jesus redemptor ore nullo pertulit
Potum cibumque, sacravit jejunium
A spiritali fame nos eripiens.
10. Gloria tibi sit, pater ingenite,
Sit nato tibi virtus et imperium,
Sancto simulque potestas spiritui,
Sit trinitati salus individuae,
Manens et regnans per immensa saecula.