XIV a. HYMNARIUS SEVERINIANUS.
15. In s. Johannis Evangelistae.
16. In s. Johannis Evangelistae.
17. In s. Johannis Evangelistae.
18. In s. Johannis Evangelistae.
19. In s. Johannis Evangelistae.
28. In ss. Juliani et Basilissae.
29. In ss. Juliani et Basilissae.
73. In Dedicatione s. Michaelis.
74. In Dedicatione s. Michaelis.
75. In Dedicatione s. Michaelis.
76. In. Dedicatione s. Michaelis.
77. In Dedicatione s. Michaelis.
78. In Dedicatione s. Michaelis.
79. In Dedicatione s. Michaelis.
89. In Nativitate s. Johannis B.
112. In Decollatione s. Johannis B.
115. In ss. Cosmae et Damiani.
116. In ss. Cosmae et Daniiani.
117. In ss. Placidi et Sigiberti.
118. In ss. Placidi et Sigiberti.
119. In sancti Justi Martyris.
120. In Festo Omnium Sanctorum.
121. In Festo Omnium Sanctorum.
123. De sanctissima Trinitate.
125. In Dedicatione s. Salvatoris.
131. In Dedicatione Ecclesiae.
132. In Dedicatione Ecclesiae.
131. In Dedicatione Ecclesiae.
1. Altissimi apostolum,
Johannem, Dei famulum,
Digno laudemus carmine
Tanto qui fulget nomine.
2. Beatus iste, qui meruit
Solus de sancto pectore
Vitae fluentum lambere,
De quo mundum reficeret.
3. Coeli ad alta praevolans
Arcana verba intonat,
Esse jam in principio
Semper verbum cum Domino.
4. Deus et homo pariter
Manens in uno corpore,
Geminam per substantiam
Operatur mirabiliter.
5. Excelsum evangelium
Pulchro texit eloquio,
Asserens verbum Domini
Carnem sumpsisse hominis.
6. Fugiant omnes haereses
Tanto flagrante lumine,
Ut et perenni gloria
Fides regnet catholica.
7. Gaudet Ephesus civitas
Simul cum omni patria
Ejus fulta praesidio,
Qui est semper cum Domino.
8. Hic est ille fortissimus,
Qui nullo metu territus
Spernit ferventem hominem,
Domitianum principem.
9. Ira commotus tyrannus,
Fremens ut leo dentibus,
Praecepit verbi nuntium
Mergi ferventi dolio.
10. Karitas sancti spiritus
Armat ministrum viribus.
Exin vivente corpore
Amplo ditavit munere.
11. Larga Dei potentia
Percepit beneficia,
Olim quae jam promiserat,
Ipse donec adveniat.
12. Marina per discrimina
Pergit exsul ad insulam,
Illic divina gratia
Cernit magna mysteria.
13. Notat futura omnia
Septem monens ecclesias,
Ut candelabra aurea
Coram Domino splendeant.
14. Orrendas esse tenebras
Doctor benignus praedicat,
Ut pura conscientia
Veram lucem possideant.
15. Progreditur ad Asiam
Corda confirmans dubia,
Ut relinquentes idola
Deo viventi serviant.
16. Quaerit nefanda impius
Contra proferre Cerinthus,
Quem per fidelem famulum
Destruxit Dei filius.
17. Reseravit nam aetheris
Serena valde nimia,
Quae annuente Domino
Ostensa sunt per angelum.
18. Salutis summae gaudio
Mundi replevit ambitum,
Expleto ministerio
Festinat ad coelestia.
19. Thesaurum sancti corporis.
Quod erat templum Domini,
Dum vellet requiescere,
Vivum sepulchro tradidit.
20. Vere post sui terminum
A discipulis quaeritur,
Et non invento corpore
Manna redundat largiter.
21. Xristus virtute maxima,
Qui donat sanctis praemia,
Remunerat discipulum
Sublimis regni solio.
22. Ymnis, venite, dulcibus
Totis canamus nisibus,
Ut nobis indulgentiam
Pastor bonus obtineat.
23. Zelemus verbum Domini,
Qui nos de coclis monuit,
Ut sequentes justitiam
Laeto fruamur tempore.
24. Gloria magna Domino,
Patri, nato, paraclito,
Sit trinitati unicae
Laus nunc et in perpetuum.